مظاہرین نے کچھ دیر کے لیے خان یونس میں ایک عمارت پر قبضہ کر لیا ہے

سنیچر کو غزہ میں عرفات انتظامیہ کے خلاف کیے جانے والےمظاہروں کے دوران مظاہرین نے فلسطینی انتظامیہ کے دفاتر کی عمارتوں پر حملے کیے ہیں اور بعض عمارتوں کو آگ بھی لگا دی۔

صدر عرفات نے کہا ہے کہ انہیں اپنے وزیراعظم احمد قریع پر مکمل اعتماد ہے۔

احمد قریع نے غزہ میں سکیورٹی کی صورتِ حال سے نمٹنے کے لیے کم اختیارات پر احتجاج پر چند روز قبل استعفیٰ دے دیا تھا جسے صدر عرفات نے مسترد کر دیا تھا۔

مظاہرین نےغزہ کے علاقے زوادی میں ایک پولیس اسٹیشن کو بھی آگ لگا دی اور کچھ دیر کے لیے خان یونس کے علاقے میں ایک سرکاری عمارت کو بھی قبضے رکھا۔

تاہم ان مظاہروں میں کسی جانی نقصان کی کوئی اطلاع نہیں ملی۔

یروشلم میں بی بی سی کے نامہ نگار کے مطابق صاف دکھائی دیتا ہے کہ یہ مظاہرے اور سکیورٹی اہلکاروں سے جھڑپیں حریفوں کے مابین آئندہ سال اسرائیل کے انخلاء سے قبل طاقت کے حصول کی کشاکش کا حصہ ہیں۔