امریکی صدر جارج بش

وائٹ ہاؤس نے اس خبر کی تردید یا تصدیق نہیں کی ہے جو اس جانب اشارہ ہے کہ ہو سکتا ہے کانگریس سے کہا جائے کہ وہ اختیارات الیکشن کمیشن کو منتقل کر دے۔

تاہم ابھی یہ واضح نہیں کہ دہشت گرد کارروائی کی صورت میں حتمی فیصلہ کون کرے گا؟

البتہ کانگریس میں شامل ایک سینیئر ڈیموکریٹ جین ہرمن نے صدارتی انتخابات میں التوا کی مخالفت کا عندیہ دیا ہے۔

امریکی ایوان نمائندگان کی انٹیلی جنس کمیٹی کی سینیئر رکن ڈیموکریٹ جین ہرمن نے ہوم لینڈ سکیورٹی سیکریٹری ٹام رِج کی طرف سے گزشتہ ہفتے دیئے گئے بیان پر بھی تنقید کی ہے جس میں کہا گیا تھا کہ القاعدہ تنظیم انتخابات میں خلل ڈالنے کی منصوبہ بندی کر رہی ہے۔

جین ہرمن کا کہنا تھا کہ یہ بیان پرانی معلومات کی بنیاد پر دیا گیا ہے۔ انہوں نے جس خطرے کا اظہار نہیں کیا وہ یہ ہے کہ وائٹ ہاؤس کی کوشش ہو گی کہ جوں جوں انتخابات قریب آتے جائیں وہ امریکیوں کی نفسیات کا فائدہ اٹھا کر زیادہ سے زیادہ حمایت حاصل کرے۔

امریکہ میں ہونے والے آئندہ صدارتی انتخابات ڈیموکریٹک پارٹی کے لیے ایک کٹھن موڑ ہوں گے کیونکہ اگر دہشت گرد اپنی کارروائی کرنے میں کامیاب ہو جاتے ہیں تو پارٹی کا سیاسی مستقبل تباہ ہو کر رہ جائے گا۔