اقوام متحدہ کے سیکریٹری جنرل کوفی عنان

انہوں نے یہ بیان بین الاقوامی عدالتِ انصاف کی جانب سے اسرائیلی فصیل کی تعمیر کے معاملے پر سنائے گئے فیصلے کے بعد دیا ہے۔

کوفی عنان کا کہنا تھا کہ ’عدالت کا فیصلہ بالکل واضح ہے۔ یہ بات سب تسلیم کرتے ہیں کہ اسرائیلی شہریوں کی حفاظت اسرائیلی حکومت کی نہ صرف ذمہ داری ہے بلکہ اس پر فرض ہے۔ اسرائیل جو بھی قدم اٹھائے، وہ بین الاقوامی قوانین کے مطابق ہونا چاہیے۔‘

اسرائیلی وزیراعظم ایریئل شیرون

ہیگ میں قائم عالمی عدالتِ انصاف نے جمعہ کو فیصلہ سنایا تھا کہ اسرائیل کی جانب سے تعمیر کی جانے والی باڑ سے ہزاروں فلسطینیوں کی زندگی میں خلل پیدا ہوا ہے اس لیے اس فصیل کو گرا دیا جائے۔

عرب ممالک کا کہنا ہے کہ اقوام متحدہ عالمی عدالتِ انصاف کے فیصلے کے حق میں ایک قرارداد منظور کرنے پر غور کرے۔

اس ضمن میں اتوار کے روز عرب لیگ کا اجلاس منعقد کیا جا رہا ہے۔

تاہم اسرائیل کے وزیر خارجہ سلوان شلوم نے سنیچر کو بتایا کہ انہوں نے امریکہ سے کہا ہے کہ اگر اقوام متحدہ کو ایسی کوئی قرارداد پیش کی جاتی ہے تو وہ اسے ویٹو کر دے۔

اسرائیلی وزیراعظم ایریئل شیرون نے عدالت کے فیصلے کو مکمل طور پر مسترد کرتے ہوئے اسے یکطرفہ قرار دیا ہے اور کہا کہ اسے فیصلے سیاسی محرکات ہیں۔