 |  ۔ |
امریکی حکام نے خبردار کیا ہے کہ اگلے چند ماہ میں امریکہ کے بڑے شہروں میں ریلوے لائنز اور مسافر بسوں کو دہشت گردی کا نشانہ بنایا جاسکتا ہے۔ امریکی کی داخلی سلامتی کے ادارے کے ایک اعلی اہکار نے بی بی سی کو بتایا کہ یہ وارننگ خفیہ اداروں کی اطلاعات کی بنیاد پر جاری کی گئی ہے۔ امریکی ریاستوں اور خاص طور پر بڑ ے شہروں کے پولیس کے اداروں کو حکم دیا گیا ہے کہ وہ ایسے لوگوں سے ہوشیار رہیں جو سامان میں دھماکہ خیز مواد چھپا کر شہری اہداف کو نشانہ بناسکتے ہیں۔ دریں اثنا امریکہ نے دنیابھر سے امریکہ پہنچنے والے لوگوں کے انگلیوں کے نشانات لینے کے احکامات جاری کیے ہیں۔ ان احکامات کے تحت برطانیہ ، آسٹریلیا اور جاپان سمیت ستائیس ملکوں سے امریکہ پہنچنے والے لوگوں کے انگلیوں کے نشانات حاصل کئے جائیں گے۔ تاہم کینیڈا اور میکسیکو کے لوگوں اس پابندی سے مستثنیٰ ہوں گے۔ | 
یہ صفحہ دوست کو ای میل کیجیئے
پرِنٹ کریں
