نیپال اور انڈیا میں سیلاب، 30 سے زیادہ ہلاک
نیپال میں حکام کا کہنا ہے کہ مسلسل بارشوں اور سیلاب کے باعث مٹی کے تودے گرنے سے کم سے کم 33 افراد ہلاک اور متعدد لاپتہ ہو گئے ہیں۔
نیپال میں مون سون کی بارشوں کے باعث سبھی دریاؤں میں تغیانی ہے اور لینڈ سلائیڈز کے باعث متعدد مکانات تباہ ہو گئے ہیں۔
خبر رساں ادرے اے ایف پی کے مطابق وزراتِ داخلہ کے ترجمان جھنکا ناتھ دھکل نے بتایا ’دارالحکومت کھٹمنڈو میں ایک سکول کی عمارت کے ایک حصے کے گرنے سے دو بچے ہلاک ہوئے۔ جبکہ پیر سے اب تک 33 افراد ہلاک اور 20 سے زائد لاپتہ ہو چکے ہیں۔‘
امدادی کارکن لوگوں کو بچانے کے لیے ربڑ کی کشتیاں اور ہیلی کاپٹرز کا استمعال کر رہے ہیں۔
انڈیا میں سیلاب
ادھر نیپال میں جاری مسلسل بارشوں کے باعث انڈیا کی ریاست بہار میں سیلابی صورتحال ہے اور حالات بدتر ہوتے جا رہے ہیں۔
،تصویر کا ذریعہSEETU TIWARI
ریاست کے آٹھ اضلاع میں صورتحال انتہائی خراب ہے۔ بیشتر ندیوں میں تغیانی ہے۔
ڈیزاسٹر مینجمنٹ ڈیپارٹمنٹ کے جوائنٹ سکریٹری انرود کمار نے بتایا کہ سپول، ارریہ، کشن گنج، دربھنگہ سمیت آٹھ اضلاع کے 1324 دیہاتوں کی تقریباً پانچ لاکھ کی آبادی سیلاب سے متاثر ہے۔
سیلاب میں پھنسے لوگوں کے لیے امدادی کارروائیاں جاری ہیں۔
End of سب سے زیادہ پڑھی جانے والی
تاہم سہرسہ سے مقامی صحافی پیوش نے بی بی سی ہندی کو بتایا کہ حکومت کے امدادی کام کی رفتار بہت سست ہے جبکہ حالات مسلسل قابو سے باہر ہوتے جا رہے ہیں۔
اسی اثنا میں گنڈک بیراج سے منگل کی رات 5.50 لاکھ کیوسک پانی چھوڑے جانے کی بھی اطلاع ملی ہے۔
،تصویر کا ذریعہSANJAY SONI
