چین میں سیلاب کی تباہ کاری، 150 افراد ہلاک
،تصویر کا ذریعہEPA
چین میں حکام کے مطابق ملک کے شمالی اور وسطی حصوں میں بارشوں اور سیلاب سے ہلاک ہونے والے افراد کی تعداد کم از کم 150 ہو گئی ہے اور بیسوں لاپتہ ہیں۔
حکام کا کہنا ہے کہ سیلاب کے نتیجے میں لاکھو افراد بے گھر ہو گئے ہیں۔
سیلابی ریلوں اور مٹی کے تودے گردے سے صوبہ ہیبی اور ہینان میں ہزاروں مکان تباہ ہوگئے ہیں جبکہ فصلوں کو بھی بھاری نقصان پہنچا ہے۔
چینی حکام کا کہنا ہے کہ وہ سیلاب زدہ علاقوں کے لیے فنڈز جاری کریں گے۔
،تصویر کا ذریعہReuters
صوبہ ہیبی میں حکام کے مطابق 144 افراد ہلاک ہوئے ہیں اور 111 لاپتہ ہیں جبکہ 53 ہزار مکانات تباہ ہو گئے ہیں۔
ساؤتھ چائنہ مارننگ اخبار کے مطابق صوبے میں ہزاروں متاثرین نے بارشوں اور سیلاب کے بارے میں بروقت آگاہ نہ کرنے اور موثر امدادی کارروائیں نہ ہونے پر احتجاج بھی کیا ہے۔
سرکاری خبر رساں ادارے شن ہوا کے مطابق بہت سارے علاقوں میں بجلی کی فراہمی بھی معطل ہے اور مواصلاتی اور آمدورفت کا نظام بھی متاثر ہوا ہے۔
End of سب سے زیادہ پڑھی جانے والی
ایک اندازے کے مطابق ایک لاکھ 50 ہزار ہیکٹر رقبے پر فصلوں کو نقصان ہوا ہے جبکہ کل نقصان کا تخمینہ تین ارب ڈالر لگایا گیا ہے۔
