کپل شرما شو میں ارنب گوسوامی کے جملے ’مجھے ڈرگ دو‘ کی گونج اور سوشل میڈیا صارفین کا ردعمل
،تصویر کا ذریعہGetty/Facebook
انڈیا میں سماجی رابطے کی ویب سائٹ ٹوئٹر پر ’بائیکاٹ کپل شرما شو‘ ٹاپ ٹرینڈز میں شامل ہے اور مبینہ طور پر اس ٹرینڈ کو چلانے میں انڈیا کے معروف نیوز اینکر ارنب گوسوامی اور ادارکار سوشانت سنگھ راجپوت کے حامی شامل ہیں۔
معروف کامیڈی شو کے میزبان کپل شرما انڈیا کی ان چند شخصیات میں شامل ہیں جو اکثر کسی نہ کسی بہانے سوشل میڈیا کی زینت بنتے اور ٹرینڈ کرتے نظر آتے رہتے ہیں۔
دوسری جانب اینکر پرسن ارنب گوسوامی بھی اپنے متنازع بیانات اور بلند و بانگ آواز کی بدولت تنقید کی زد میں رہتے ہیں اور اس کی ایک بڑی وجہ ان کے مداحوں اور ناقدین کی ان کی شخصیت میں بہت زیادہ دلچسپی بھی ہے۔
ہوا کچھ یوں ہے کہ چند روز پہلے ہی کامیڈی شو 'دی کپل شرما شو' کی نئی اقساط ریلیز ہوئی ہیں، کورونا کی وبا کے دوران شو کی نئی قسطوں کی ریکارڈنگ بند تھی۔ حالیہ نشر ہونے والے پروگرام کے ایک سیگمنٹ میں کیکو شردا اور کرشنا ابھیشیک پرفارم کرتے نظر آتے ہیں اور یہی وہ سیگمنٹ ہے جو چند سوشل میڈیا صارفین کو ایک آنکھ نہ بھایا۔
یہ بھی پڑھیے
End of سب سے زیادہ پڑھی جانے والی
یہ دونوں کردار ایک پیروڈی خاکے میں نظر آتے ہیں جس میں ریپبلک ٹی وی کے ایڈیٹر ارنب گوسوامی کا بہروپ بھرا جاتا ہے۔
یہ کردار گوسوامی کے انداز میں سلمان خان سے بالی وڈ کے مبینہ منشیات کے گٹھ جوڑ، اور ان (گوسوامی) کی وائرل ہونے والے 'مجھے ڈرگس ڈو' والا جملہ بولتے ہیں۔ یاد رہے کہ سلمان خان ’دی کپل شرما شو‘ کے پروڈیوسر ہیں۔
پوددار بوبئی نامی ایک صارف نے ’بائیکاٹ کپل شرما شو‘ کے ہیش ٹیگ کے ساتھ کپل شرما کو ٹیگ کرتے ہوئے لکھا: ’ارنب گوسوامی کو ان لوگوں (کرداروں) کے ذریعے ٹرول کیا جا رہا ہے کیونکہ یہ شو (کپل شرما شو) سلمان خان چلاتے ہیں اور ارنب گوسوامی بالی وڈ مافیا سے منسلک سارے منشیات لینے والوں کا پردہ فاش کر رہے ہیں اور وہ (سلمان خان) بالی وڈ مافیا کے سردار ہیں۔‘
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 1
اس کے ساتھ انھوں نے ’ایس ایس آر واریئرز‘ کے ہیش ٹیگ کا بھی استعمال کیا ہے جس سے یہ اندازہ ہوتا ہے کہ بالی وڈ میں اداکار سوشانت سنگھ کی موت کے بعد ارنب گوسوامی نے جو علم بلند کیا تھا وہ اس کے حامی ہیں۔
مانسی نامی ایک صارف نے سونی ٹی وی، کپل شرما اور کیکو شردا کو ٹیگ کرتے ہوئے لکھا: ’شرم کرو، تم سب نے عوام کو اپنا اصل چہرہ دکھا دیا۔ تم لوگ اور تمہارے مالک سلمان خان (پروڈیوسر) کھلے عام منشیات گینگ کا دفاع کر رہے ہو۔ دل سوز!!! مضحکہ خیز!!!‘
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 2
ڈاکٹر گوتم گھوش نامی صارف نے لکھا: ’کپل شرما شو نے اس بات کا جواب دے دیا جو یہ قوم جاننا چاہتی ہے۔ زندہ دل کپل شرما اور آپ کا شو بہت مزیدار تھا۔ مزید شوز کا انتظار رہے گا۔‘
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 3
خیال رہے کہ ارنب گوسوامی اپنے پروگرام میں ہمیشہ سوال کرتے ہوئے کہتے ہیں کہ ’دی نیشن وانٹس ٹو نو‘ یعنی یہ ملک اور قوم جاننا چاہتی ہے۔ یہ اشارہ اسی جانب تھا۔
یہ چند مثالیں تھیں جس سے کہیں نہ کہیں یہ بات سامنے آتی ہے کہ اس میں ارنب گوسوامی کے پرانے شو کی گونج ہے جس میں انھوں نے بالی وڈ میں منشیات پر بات کرتے ہوئے سلمان خان کو نام لے کر للکارا تھا کہ ’کہاں ہے سلمان خان؟‘
گذشتہ روز یعنی اتوار کو کپل شرما شو پرائم ٹائم پر پیش کیا گیا جس میں کپل شرما نے کانگریس رہنما اور سابق کرکٹر نوجوت سنگھ سدھو کا انداز اپنا رکھا تھا ان کے علاوہ اس شو کے معروف کردار بچہ یادو یعنی کیکو شردا بظاہر ارنب گوسوامی کے روپ میں سٹوڈیو سجا کر بیٹھے تھے اور انھوں نے اپنے چینل کا نام ’ردی نیوز‘ رکھا ہے۔
اس شو میں اداکار منوج واجپئی اور فلم ساز انوبھو سنہا بھی شامل تھے جبکہ سٹیج پر سجے سٹوڈیو کے پس پشت شوکا نام ’بال کی کھال، آؤ بھینس کریں‘ یعنی بحث کریں تھا۔ اور کورونا کی وجہ سے ارچنا پورن سنگھ تمام حاضرین کی جانب سے تنہا ہنسنے کے لیے ہال میں موجود تھیں۔
اس تحریر میں ایسا مواد ہے جو Instagram کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Instagram ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
Instagram پوسٹ کا اختتام
جس طرح ارنب گوسوامی پر الزمات لگتے رہتے ہیں وہ اپنے شو میں کسی کو بولنے نہیں دیتے اسی طرح اس شو میں کیکو مہمان کو بولنے نہیں دیتے اور اس کی شکایت پرومو والے کلپ میں منوج واجپئی یہ کہتے سنے جاتے ہیں: ’میں بولنا چاہتا ہوں، آپ بات نہیں کرنے دے رہے ہیں مجھے۔‘
ارنب گوسوامی اداکار سوشانت سنگھ راجپوت پر مستقل پروگرام کرتے رہے اور اس حوالے سے بالی وڈ میں منشیات کے چلن کے خوب پرزے اڑے۔ ایک مباحثے میں ارنب بالی وڈ میں منشیات کی لت پر چیخ چیخ کر کہتے ہیں ’مجھے ڈرگ دو‘ اس کا مذاق اڑاتے ہوئے کیکو نے کہا ہے ’مجھے جگ دو‘ اور پھر کپل شرما ان پر پانی بھرا جگ الٹ دیتے ہیں۔
اس شو کے بارے میں ٹویٹ کرتے ہوئے بعض لوگوں نے لکھا ہے کہ ’ارنب گوسوامی کے حامیان بڑے صدمے میں ہوں گے کہ ان کے اینکر کو کس طرح دھویا گیا ہے۔‘
بعض نے لکھا ہے کہ ’یہ ارنب کو سلمان خان کا جواب تھا۔‘ کسی نے اسے ’ٹی آر پی کے لیے بھونڈا جواب‘ کہا ہے تو کسی نے اسے برملا جواب کہا ہے۔ بہت سے صارفین یہ کہتے نظر آئے کہ اس کے ذریعے سوشانت سنگھ راجپوت کی موت کا اور ان کے فینز کا مذاق اڑایا گیا ہے۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 4
ارنب آفیشل 3 نامی ٹوئٹر ہینڈل نے لکھا: ’وہ ارنب کا مذاق اڑا رہے ہیں کیونکہ انھوں نے سوشانت کے لیے آواز اٹھائی۔ کپل شرما کا شو سلمان خان کا سپانسر کردہ ہے۔‘
