دلاورخان وزیر بی بی سی اردو ڈاٹ کام پشاور

	چند روز قبل پشاور میں پولیس نے آتشگیر مادے سے بھری ہوئی گاڑی پکڑی تھی

پولیس کے سربراہ عمران خان نے بی بی سی کو بتایا کہ سنچر کی صبح پانچ بجے ضلع لکی مروت کے سب ڈویژن تجوڑی کے علاقے آدم زئی میں ایک چلتی گاڑی میں اچانک ایک زودار دھماکہ ہوا جس کے نتیجہ میں دو افراد ہلاک ہوگئے۔ انہوں نے خدشہ ظاہر کیا کہ گاڑی میں ایک خودکش حملہ آور موجود تھا جو کسی مقام پر پہنچنا چاہتا تھا۔

پولیس کا کہنا ہے کہ دھماکے میں گاڑی بھی مکمل طور پر تباہ ہوگئی ہے اور لاشوں کے ٹکڑے گاڑی کے ٹکڑوں سے زیادہ بکھرے پڑے تھے۔ موقع پر موجود ایک پولیس اہلکار نے بتایا کہ لاشوں اور تباہ شدہ گاڑی کا ملبہ پولیس نے اپنے قبضے میں لے لیا ہے اور تحقیقات کے لیے لکی مروت لے جایا جارہا ہے۔

ضلع لکی مروت نیم قبائلی علاقوں کے ساتھ متصل ایک ضلع ہے جہاں پہلے بھی قانوں نافذ کرنے والے اداروں پر حملے ہوچکے ہیں جن میں سکیورٹی فورسز کے اہلکاروں کے علاوہ عام شہری بھی مارے گئے ہیں۔