عبدالحئی کاکڑ بی بی سی اردوڈاٹ کام، پشاور

	لڑکوں کےہائی سکول اور لڑکیوں کے پرائمری سکولوں کو آگ لگادی گئی

مقامی لوگوں کا کہنا ہے کہ بدھ اور جمعرات کی درمیانی شب تحصیل مٹہ کے نظر آباد میں واقع لڑکوں کےہائی سکول اور لڑکیوں کے پرائمری سکولوں کو آگ لگا دی گئی ہے۔

ان کے بقول دونوں تعلیمی اداروں کی عمارتوں کو شدید نقصان پہنچا ہے۔ ابھی تک کسی نے بھی اس واقعے کی ذمہ داری قبول نہیں کی ہے۔

اس کے ساتھ ہی سرکاری اعداد وشمار کے مطابق سوات میں تباہ کیے جانے والے تعلیمی ادادروں کی تعداد ایک سو اٹھاسی تک پہنچ گئی ہے۔