دلاور خان وزیر
بی بی سی اردو ڈاٹ کام پشاور |  |
| | | خودکش دھماکےملک کے مسائل کا حل نہیں ہے: قاضی حسین احمد |
جماعت اسلامی نے ملک میں بدامنی؛بے روزگاری اور حکومت کی پالیسوں کے خلاف عوام میں شعور بیدار کرنے کے لیے ٹرین مارچ کا آغاز کردیا ہے۔ امیر جماعت اسلامی قاضی حُسین احمد کی قیادت میں ٹرین مارچ پشاور سے لاہور کے لیے روانہ ہوگیا۔ پشاور کینٹ ریلوے سٹیشن پر جماعت اسلامی کے سینکڑوں کارکنوں نے ٹرین مارچ میں حصہ لیا۔انہوں نے کتبے اور بینر اٹھا رکھے تھے جن پر موجوہ حکومت کی پالیسوں کے خلاف نعرے درج تھے۔ اس موقع پر جماعت اسلامی کے امیر قاضی حُسین احمد نے میڈیا سے بات چیت کرتے ہوئے بتایا کہ ملک میں امریکی مداخلت کے باعث امن و امان کی صورتحال تباہ ہو رہی ہے جبکہ حکومت کی پالیسوں کے نتیجہ میں عوام فوج اور حکومت کے درمیان نفرت کی خلیج بڑھ رہی ہے۔ انہوں نے الزام لگایا کہ پاکستان میں بدامنی کی موجودہ لہر میں بھارت اور امریکہ ملوث ہے اور ایک منظم سازش کے تحت دھماکے کر کے عوام کو غیر منظم کیا جا رہا ہے۔ قاضی حسین احمد نے کہا کہ خودکش دھماکےملک کے مسائل کا حال نہیں اور نہ ہی اس قسم کی کارروائی کے ذریعے صورتحال میں بہتری لائی جا سکتی ہے۔ انہوں نے کہا کہ مقبوضہ کشمیر کے عوام بھارتی تسلط کے خلاف اٹھ کھڑے ہوئے ہیں لیکن پاکستانی حکمران بھارت کی خوشنودی کے لیے کشمیری عوام کو مایوس کر رہے ہیں۔
| 
پاکستان میں جاری ’جہاد نہیں فتنہ ہے‘
