علی سلمان بی بی سی اردو ڈاٹ، لاہور

	پاکستان کے اندر پرتشدد کارروائیاں جہاد نہیں بلکہ فتنہ ہیں: حافظ سعید

انہوں نے یہ بات پاکستان کے ایک نجی ٹی وی چینل ایکسپریس نیوز کوانٹرویو دیتے ہوئے کہی۔

ایک سوال کے جواب میں انہوں نے کہا کہ اگر امریکہ یہ کہتا ہے کہ پاکستان میں دہشتگرد موجود ہیں تو حکومت پاکستان امریکہ سے ثبوت مانگے اور اس کے بعد ان افراد کے خلاف قانون کے مطابق کارروائی کی جائے۔

جماعتہ الدعوۃ کے سربراہ حافظ محمد سعید نے کہا کہ حکومت جب یک طرفہ آپریشن کرے گی اور دوسرے فریق کی بات نہیں سنے گی تو ان کاروائیوں کو نہیں روکا جاسکتا۔

حافظ محمد سعید لشکرطیبہ کے بانی ہیں جس پر ہندوستان کی حکومت اپنے ملک میں ہونے والی مختلف پرتشدد کارروائیوں کا الزام لگاتی ہے۔

حافظ محمد سعید نے پاکستان میں لشکر طیبہ کو کالعدم قرار دئیے جانے سے پہلے اس سے علیحدگی اختیار کر لی تھی اور ایک نئی تنظیم جماعتہ الدعوۃ قائم کی۔

حافظ محمد سعید نے ٹی وی چینل کو اپنے حالیہ انٹرویو میں پاکستان کے اندر ہونے والی پرتشدد کارروائیوں کی مذمت کی اور کہا کہ یہ ہرگز جہاد نہیں بلکہ فتنہ ہیں اور وہ اس کی حمایت نہیں کرتے۔

حافظ محمد سعید نے کہا کہ حکومت ان واقعات کی تحقیقات کرائے تو تمام حقائق سامنے آجائیں گے