عارف وقار لاہور

	جنوبی ایشیا کی تنظیم سیفما نے محبوبہ مفتی کو مدعو کیا تھا

محبوب مفتی نے اپنے خطاب میں مظفر آباد کےلئے آزاد کشمیر کا لفظ استعمال کیا اور اس امر کو صورتِ حال کی بہتری قرار دیا۔

ساؤتھ ایشیا فری میڈیا ایسوسی ایشن کے بینر تلے منعقد ہونے والے اس اجتماع سے خطاب کرتے ہوئے محبوبہ مفتی نے اس بات پر زور دیا کہ آزادی اور خود مختاری کا مطلب آج سارح دنیا میں تبدیل ہو رہا ہے اور آج کے زمانے میں معاشی اور اقتصادی آزادی کے بغیر ہیئتِ حاکمہ کا تصوّر نا ممکن ہے۔

محبوبہ مفتی نے کہا کہ جموں کشمیر میں شدت پسندی کا خاتمہ ہونا چاہیئے اور وہاں سے بھارتی فوجوں کا اجتماع بھی ختم ہونا چاہیئے۔ انھوں نے کہا کہ کشمیر کے بھارتی اور پاکستانی حصّے میں آمد ورفت کی آزادی ہونی چاہیئے اور کشمیریوں کو یہ موقع ملنا چاہیئے کہ وہ آس پاس کی دنیا سے آزادانہ تجارتی اور ثقافتی روابط قائم کر سکیں۔

سیفما کے سربراہ امتیاز عالم اور حقوقِ انسانی کی سرگرم کارکن عاصمہ جہانگیر نے بھی اجتماع سے خطاب کیا۔