عبادالحق
بی بی سی اردو ڈاٹ کام،لاہور |  |
| | | اکرام اللہ خان نیازی کی نماز جنازہ قاضی حسین احمد نے پڑھائی |
تحریک انصاف کے سربراہ عمران خان کے والد اکرام اللہ خان نیازی کی نماز جنازہ جمعرات کو لاہور میں انکی رہائش گاہ زمان پارک میں لاہور میں ادا کی گئی۔ جماعت اسلامی کے امیر قاضی حسین احمد نے مرحوم کی نماز جنازہ پڑھائی۔ عمران خان کے والد کچھ عرصہ سے علیل تھے اور بدھ کی شام شوکت خانم ہسپتال میں انتقال کرگئے۔ اکرام خان نیازی کی نماز جنازہ میں سابق صدر رفیق تارڑ، سابق چیف جسٹس پاکستان ڈاکٹر نسیم حسن شاہ، سابق وزیر خارجہ سرتاج عزیز، مسلم لیگ قاف کے سینیٹر ایس ایم ظفر سمیت مختلف شعبہ ہائے زندگی سے تعلق رکھنے والی ممتاز شخصیت نے شرکت کی۔ نماز جنازہ کی ادائیگی کے بعد مرحوم کی میت تدفین کے لیے ان کے آبائی شہر میانوالی پہنچائی جا رہی ہے جہاں ان کو آج شام سپردخاک کردیا جائے گا۔
| 
عمران خان ایک بار پھر سندھ بدر 
