تیل کی قیمت پہلی مرتبہ سو ڈالر فی بیرل پر پہنچی ہے

خام تیل کی قیمت نیویارک میں بیوپار کے دوران پہلی مرتبہ ایک سو ڈالر فی بیرل پر پہنچ گئی جبکہ ایک آونس سونے کی قیمت آٹھ سو پچپن ڈالر پر ریکارڈ کی گئی۔

بی بی سی کے لیے اقتصادی اور معاشی امور کے نامہ نگار کا کہنا ہے کہ ان دونوں اشیاء کی قیمتوں میں تیزی ڈالر کی قیمت میں کمی اور عالمی تنازعات کی وجہ سے دیکھنے میں آ رہی ہے۔

ماہرین کے مطابق سونے میں سرمایہ کاری کو محفوظ تصور کیے جانے کا احساس تقویت پکڑ رہا ہے جب کہ تیل کی رسد کے بارے میں تشویش بڑہتی جا رہی ہے۔

نامہ نگاروں نے گزشتہ سالوں میں عالمی سطح پر ہونے والی اقتصادی ترقی کو ان دونوں اشیاء کی قیمتوں میں اضافے کی ایک اور وجہ قرار دیا ہے۔