ہارون رشید بی بی سی اردو ڈاٹ کام، اسلام آباد

	لیاقت بلوچ نے کہا ہے کہ چار جماعتوں کے انتخاب لڑنے کا فیصلہ کسی اتحاد کا نہیں بلکہ ان جماعتوں کا انفرادی فیصلہ ہے: جماعتِ اسلام

تاہم یہ فیصلہ کرنے والے اتحاد کی سپریم کونسل کے اجلاس میں دو دیگر جماعتوں جماعت اسلامی اور جعمیت علماء اسلام (س) نے شرکت نہیں کی۔

جماعت اسلامی کے رہنما لیاقت بلوچ نے ان فیصلوں کے ردعمل میں کہا ہے کہ اسے کسی اتحاد کا نہیں بلکہ ان جماعتوں کا انفرادی فیصلہ قرار دیا ہے۔

سپریم کونسل کا یہ اجلاس جمعیت علمائے اسلام کے سینٹر طلحہ کی رہائش گاہ پر ہوا جس کی صدارت علامہ ساجد نقوی نے کی۔

اجلاس کے فیصلوں سے صحافیوں کو آگاہ کرتے ہوئے جے یو آئی کے سربراہ مولانا فضل الرحمان نے بتایا کہ اتحاد کے صدر قاضی حسین احمد کی تبدیلی سے متعلق کوئی فیصلہ نہیں ہوا ہے تاہم اس اتحاد کے امیدوار کتاب کے نشان کے تحت یہ انتخاب لڑیں گے۔

سپریم کونسل نے عام انتخابات کے لیئے مولانا فضل الرحمان کی سربراہی میں پارلیمانی بورڈ بھی تشکیل دیا ہے۔ ان کے علاوہ اس بورڈ میں ڈاکٹر ابو الخیر محمد زبیر، جلیل نقوی، رانا نصراللہ اور جلال الدین ایڈووکیٹ شامل ہیں۔

سپریم کونسل نے اب اتحاد کے سیکٹری جنرل کے دستخط سے امیدواروں کو پارٹی لیٹر جاری کرنے کا فیصلہ کیا ہے جبکہ اقلتیوں اور خواتین کی مخصوص نشستوں کی از سر نو فہرستیں انتخابی کمیشن کو بھیجنے کا فیصلہ بھی کیا ہے۔