ساجد اقبال اور شہزاد ملک
بی بی سی اردو ڈاٹ کام، اسلام آباد |  |
| | | مارچ 2006 کو چیف الیکشن کمشنر بننے والے جسٹس فاروق ججز انکلیو میں ہی رہائش پذیر ہیں |
چیف الیکشن کمشنر جسٹس (ریٹائرڈ) قاضی محمد فاروق بھی اعلیٰ عدلیہ سے متعلق حکومت کی پریشانیاں کم کرنے کے لیے سرگرم ہو گئے ہیں اور سپریم کورٹ کے پی سی او کے تحت حلف نہ اٹھانے والے ججوں سے ملاقاتیں کر رہے ہیں۔ انہوں نے حال ہی میں پی سی او کے تحت حلف نہ اٹھانے والے جج جسٹس ناصرالملک اور جسٹس شاکر اللہ جان سے ملاقات کی ہے جبکہ وہ خود جسٹس سردار رضا خان کے ساتھ ججز کالونی کے ایک ہی بلاک میں رہائش پذیر ہیں۔ پی سی او کے تحت حلف نہ اٹھانے والے سپریم کورٹ کے ایک جج کے قریبی ذرائع کے مطابق جسٹس (ریٹائرڈ) قاضی محمد فاروق کی ججوں سے یہ ملاقاتیں پیر کے روز ہوئیں۔ اس سے پہلے اٹارنی جنرل جسٹس ریٹائرڈ ملک محمد قیوم نے پی سی او کے تحت حلف نہ اٹھانے والے چند ججوں سے ملاقات کی تھی اور یہ کہا جا رہا تھا کہ یہ ملاقاتیں ان ججوں کو منانے کی کوششوں کا حصہ ہیں۔ | | | پاکستان میں امریکی سفیر این ڈبلیو پیٹرسن نے منگل کو چیف الیکشن کمیشنر جسٹس (ر) قاضی فاروق سے ملاقات کی تھی |
یاد رہے کہ ملک کی سب بڑی سیاسی جماعت پاکستان پیپلز پارٹی قیادت الیکشن کمشن آف پاکستان پر عدم اعتماد کا اظہار کر چکی ہے اور آئندہ انتخابات غیر جانبدارانہ الیکشن کمشن کے تحت کرانے کا مطالبہ کر چکی ہے۔ مبصرین کا کہنا ہے کہ چیف الیکشن کمشنر کے نئے رول سے ان کی حیثیت مزید متنازعہ ہو جائے گی اور سیاسی جماعتوں کی طرف سے غیرجانبدارانہ الیکشن کمشن کی تشکیل کا مطالبہ زیادہ شدت اختیار کر لے گا۔ الیکشن کمشن آف پاکستان کے ترجمان کنور محمد دلشاد نے رابطہ کرنے پر بتایا کہ ججوں کو منانے سے متعلق چیف الیکشن کمشنر کی کوششوں کی تمام خبریں بے بنیاد ہیں۔ انہوں نے بتایا کہ اگرچہ چیف الیکشن کمشنر ججز کالونی میں ہی رہائش پذیر ہیں لیکن انہوں نے حلف نہ اٹھانے والے سپریم کورٹ کے کسی جج سے ملاقات نہیں کی۔ | 
باجوڑ: قبائل اور حکومت میں معاہدہ
