دلاور خان وزیر
بی بی سی اردو ڈاٹ کام، ڈیرہ اسماعیل خان |  |
| | | فائل فوٹو: فوجیوں کو مقامی طالبان کی جانب سے سخت چیلنج ہے |
پاکستان کے قبائلی علاقے جنوبی وزیرستان سےاغواء کیے جانے والے تین سو کے قریب سکیورٹی فوسز کے اہلکاروں کے اغواء کے دو مہینے اور چار دن پورے ہونے کے بعد حکومت اور مقامی طالبان کے درمیان مذاکرات ’کامیاب‘ ہوگئے ہیں۔ درے محسود قبائل کا مزاکراتی جرگہ آج اتوار کو ایک بار پھر بیت اللہ محسود گروپ کے مقامی طالبان سے ملنے کے لیے ٹانک سے لدھا روانہ ہوگا اور جرگہ کے طالبان رہنماؤں سے ملنے کے بعد اہلکاروں کی رہائی متوقع ہے۔ دوسری جانب حکومت نے کمانڈر عبداللہ محسود کے چچازاد بھائی سہل زیب سمیت اٹھائیس قیدیوں کو رہا کر دیا ہے۔ سہل زیب کو انسداد دہشتگردی کے عدالت نے چوبیس سال قید بامشقت کی سزابھی سنائی تھی اور دوسروں کے خلاف عدالت میں مقدمات چل رہے تھے۔ جرگے کے ایک ممبر سنیٹر صالح شاہ نے بی بی سی کو بتایا کہ مغوی اہلکاروں کی بازیابی کے لیے درے محسود قبائل کا جرگہ آج ایک بار پھر ٹانک سے لدھا روانہ ہو رہا ہے جہاں وہ مقامی طالبان سے ملے گا۔انہوں نے کہا کہ سکیورٹی اہلکاروں کی رہائی متوقع ہے۔صالح شاہ کے مطابق سکیورٹی فورسز کی رہائی کا فیصلہ پہلے ہی ہوچکا ہے، اب صرف وہاں جانا ہے۔ | اٹھائیس قیدی رہا  حکومت نے کمانڈر عبداللہ محسود کے چچازاد بھائی سہل زیب سمیت اٹھائیس قیدیوں کو رہا کر دیا ہے۔ سہل زیب کو انسداد دہشتگردی کے عدالت نے چوبیس سال قید بامشقت کی سزابھی سنائی تھی اور دوسروں کے خلاف عدالت میں مقدمات چل رہے تھے۔  |
ڈیرہ اسماعیل خان میں انسداد دہشتگردی کی عدالت نے ٹانک سے دو خودکش جیکٹس سمیت دھماکہ خیزمواد رکھنے والے ملزم سہل زیب کو چوبیس سال قید بامشقت اور پچاس ہزار جرمانے کی سزا سنائی تھی۔ عدالت کے جج فیاض اللہ نے سہل زیب کے کیس کا فیصلہ سناتے وقت بتایا تھا کہ جرمانہ ادا نہ کرنے کی صورت میں ملزم کو مزید دو سال قید گزارنی ہوگی۔ سہل زیب کے والد عالم زیب نے بی بی سی کو بتایا تھا کہ ’میرا بیٹا ناسمجھ ہے، نامعلوم افراد نے اس کو ٹانک میں ایک سوٹ کیس دیا تھا کہ اس کو فلاں جگہ پہنچاؤ۔‘ عالم زیب کے مطابق ان کو یہ علم نہیں تھا کہ اس میں خودکش جیکٹس اور بارودی مواد موجود ہے۔ انہوں نے کہا کہ ’میرے بیٹے کی عمر اٹھارہ سال ہے۔ وہ اسی دن امتحان کے داخلے کے لیے ٹانک کالج جارہا تھا۔وہ ٹانک کالج میں فرسٹ ایئر کا طالب علم تھا۔ انہوں نے کہا کہ میں اپنے بیٹے کے کیس کے سلسلے میں ہائی کورٹ جاؤں گا۔ سہل زیب کو آٹھ مارچ دو ہزار سات کو ٹانک پولیس نے تھانہ ٹانک کے حدود میں اس وقت گرفتار کیا تھاجب اس کے بیگ سے دو خودکش جیکٹس اور دھماکہ خیز مواد برامد ہوا۔ عالم زیب کمانڈر عبداللہ محسود کا چچازاد بھائی ہے۔ یادرہے کہ سکیورٹی اہلکاروں کی رہائی کی امید اور طالبان کے ساتھیوں کی رہائی ایک ایسے موقع پر ہو رہی ہے جب ملک میں صدر جنرل پرویز مشرف نے ایمرجنسی کا اعلان کیا ہے اور نجی چینل کی نشریات معطل ہوچکی ہیں۔ | 
باجوڑ: قبائل اور حکومت میں معاہدہ
