رفاقت علی بی بی سی اردو ڈاٹ کام، اسلام آباد

	چیف جسٹس کی جبرری رخصت کے دوران رانا بھگوان داس قائم مقام چیف جسٹس رہے ہیں

سپریم کورٹ رجسٹرار نے قاضی حسین احمد کی اس آئینی درخواست کو اس بنا پر لوٹا دیا تھا کہ وہ یہ درخواست دائر کرنے کا حق نہیں رکھتے ۔

قاضی حسین احمد نے رجسٹرار سپریم کورٹ کے فیصلے کےخلاف اپیل دائر کی جس کی پیر کے روز جسٹس رانا بھگوان داس کے چیمبر میں ہوئی۔

قاضی حسین احمد کے وکیل شوکت عزیز صدیقی نے بی بی سی کو بتایا کہ جسٹس رانا بھگوان داس نے اپنے حکم میں لکھا کہ صدر مشرف کی فوجی عہدے سے متعلق آئینی درخواست اور رجسٹرار سپریم کورٹ کے اس حکم کے خلاف اپیل کوعدالت کے سامنے لگا دیا جائے۔

اس درخواست کوعدالت کے سامنے پیش کرنے کے بارے میں کوئی حتمی تاریخ مقرر نہیں کی ہے۔

قاضی حسین احمد نے اپنی آئینی درخواست میں موقف اختیار کیا ہے کہ جنرل پرویز مشرف دس اگست 2003 کو ریٹائرمنٹ کی عمر کو پہنچ چکے ہیں اوراس کے بعد وہ اس عہدے پر فائز نہیں رہ سکتے۔

قاضی حیسن احمد نے اپنی آئینی درخواست میں مزید کہاکہ وہ بطور صدر بھی اپنے عہدے پر فائز رہنے کے اہل نہیں ہیں۔

انہوں نے کہا ہے کہ صدر پاکستان وفاق کی علامت ہو تا ہے لیکن صدر جنرل پرویز مشرف ایک مخصوص سیاسی جماعت کے جلسوں میں تقریریں کرتے رہے ہیں۔