رفاقت علی
بی بی سی اردو ڈاٹ کام، اسلام آباد |  |
| | | سپریم کورٹ میں چیف جسٹس افتخار محمد چودھری کی درخواست کی سماعت ہو رہی ہے |
لال مسجد اور جامعہ حفصہ کے خلاف جاری آپریشن کے دوران قائم مقام چیف جسٹس رانا بھگوان داس نےسپریم کورٹ میں حفاظت کے انتظامات کو ناکافی قرار دیتے ہوئے وفاقی حکومت کو حکم جاری کیا ہے کہ وہ سپریم کورٹ بلڈنگ اور ججوں کی رہائش گاہوں پر مکمل حفاظتی اقدامات کیے جائیں۔ سپریم کورٹ کی طرف سے جاری ہونے والے ایک بیان کےمطابق قائم مقام چیف جسٹس رانا بھگوان داس سمجھتے ہیں کہ سپریم کورٹ بلڈنگ اور ججوں کی رہائش پر انتظامات انتہائی ناکافی ہیں۔ ترجمان نے کہا ہے سپریم کورٹ میں تعینات پولیس اہلکار نفری میں کمی اور بعض عہدیداروں کی حفاظتی ڈیوٹیوں کی وجہ سے سپریم کورٹ میں فرائض نہیں انجام دے سکتے اور سپریم کورٹ میں تعینات پولیس اہلکاروں کو بوقتِ ضرورت سپریم کورٹ سے باہر بھی ڈیوٹی پر تعینات کر دیا جاتا ہے۔ قائم مقام چیف جسٹس رانا بھگوان داس نے وزارت داخلہ اور اسلام آباد کے انسپکٹر جنرل پولیس کو ہدایت کی ہے کہ وہ سپریم کورٹ کی عمارت اور ججوں کی رہائش گاہوں پر حفاظت کے مکمل انتظامات کریں۔ سپریم کورٹ نے کہا کہ اسلام آباد سپرنٹنڈنٹ پولیس سیکورٹی خود ان انتظامات کا جائزہ لیں اور ہر ماہ کی تیس تاریخ کو اپنی رپورٹ رجسٹرار سپریم کورٹ کو جمع کرا دیں۔ | 
پشاور میں سکیورٹی ہائی الرٹ 
