انتخاب امیر
بی بی سی اردو ڈاٹ کام، اسلام آباد |  |
| | | برطانوی پولیس نے جمعہ کو لندن میں ایک کار میں موجود دھماکہ خیز مواد کو ناکارہ بنا دیا تھا |
حکومتِ پاکستان نے برطانیہ میں دہشت گردی کے حالیہ ناکام حملوں کی مذمت کرتے ہوئے اُمید کا اظہار کیا ہے کہ برطانوی حکومت اپنے شہریوں اور دیگر اقوام سے تعلق رکھنے والے برطانوی باشندوں کی حفاظت کے لیے تمام تر ضروری اقدامات اُٹھائے گی۔ وزارتِ خارجہ کی ترجمان تسنیم اسلم نے پیر کو اسلام آباد میں پریس کانفرنس کے دوران اس توقع کا اظہار کیا کہ برطانیہ میں دہشت گردی کی حالیہ کارروائیوں کی وجہ سے مقامی آبادی اور وہاں بسنے والے پاکستانیوں کے باہمی روابط پر منفی اثر نہیں پڑے گا۔ البتہ اُنہوں نے کہا کہ حکومتِ پاکستان کو برطانیہ میں بسنے والے پاکستانیوں کی حفاظت کی فکر لاحق ہے۔ اُنہوں نے اس بات کا بھی اظہار کیا کہ دہشت گردی کی حالیہ کارروائیوں کی وجہ سے برطانیہ میں بسنے والے پاکستانیوں کو نسلی منافرت کا نشانہ نہیں بنایا جائے گا۔ ایک سوال کا جواب دیتے ہوئے اُنہوں نے کہا کہ لندن اور گلاسگو میں دہشت گردی کی حالیہ کارروائیوں میں کسی پاکستانی باشندے کے ملوث ہونے کی اطلاع نہیں اور نہ ہی اس سلسلے میں حکومتِ برطانیہ نے پاکستان سے کوئی رابطہ کیا ہے۔ واضح رہے کہ دہشت گردی کی حالیہ کارروائیوں سے پہلے سات جولائی دو ہزار پانچ میں لندن بم دھماکوں اور پچھلے سال لندن ہیتھرو ائرپورٹ سے امریکہ جانے والے چند طیاروں کو فضا میں بم سے اُڑانے کی سازش میں پاکستانی نژاد برطانوی شہریوں کا نام آیا تھا۔ | 
’مشتبہ افراد، تعلق مشرقِ وسطٰی سے‘ 
