دلاور خان وزیر بی بی سی اردو ڈاٹ کام، ڈیرہ اسماعیل خان

	آئی ایس پی آر نے فوجی آپریشن کی تصدیق کی ہے (فائل فوٹو)

آئی ایس پی آر کے ڈائریکٹر وحید ارشد نے فوجی آپریشن کی تصدیق کی ہے۔

شمالی وزیرستان کی پولیٹیکل انتظامیہ کے ذرائع نے بی بی سی کو بتایا ہے کہ سب ڈویژن رزمک کے علاقے گڑیوم کے گاؤں زرگر خیل میں منگل کو فوج نے ایک تربیتی کیمپ کے خلاف کارروائی کی ہے جس میں تین مشتبہ جنگجو ہلاک ہوگئے ہیں۔

انتظامیہ کے مطابق ہلاک ہونے والے چاروں افراد غیر ملکی ازبک ہیں۔ انتظامیہ کے مطابق علاقے کے لوگوں کو ایک جرگے کے ذریعے خبردار کیا گیا تھا کہ زرگر خیل میں غیر ملکیوں کا ایک تربیتی کیمپ موجود ہے اس لیے علاقے کے لوگوں کی یہ ذمہ داری بنتی ہے کہ وہ غیر ملکیوں کو علاقے سے نکال دیں لکین ناکامی کے صورت میں فوج کو آپریشن کرنا پڑا۔

دوسری جانب تین دن قبل اغواء ہونے محکمۂ بہبود آبادی کے اہلکاروں کا بھی تاحال کوئی سراغ نہیں مل سکا ہے۔