رفعت اللہ اورکزئی بی بی سی اردو ڈاٹ کام، صدہ

	صدہ میں متحارب گروپوں میں لڑائی درجنوں لوگ زخمی ہو گئے

صدہ اور بالش خیل کے علاقوں میں منگل کی رات فریقین کے مابین شدید لڑائی ہوئی جس میں مقامی لوگوں کے مطابق دونوں جانب سے بیس کے قریب لوگ ہلاک ہوگئے ہیں۔

’ہم بھوک سے مر جائیں گے‘

پارا چنار میں تصادم کیوں شروع ہوا

پاراچنار میں فسادات: رائے دیجیئے

کرم فرقہ وارانہ فسادات: تصاویر

پاراچنار میں فوج کی کارروائی فریقن کے ٹھکانوں پر بمباری

ٹل پارچنار سڑک بند ہونے کی وجہ سے صدہ جانے والی تمام ٹریفک تورہ آوڑی کے راستے جا رہی ہے۔

اس پہاڑی راستے پر ہر گاؤں اور علاقے میں مسلح جوان ، بچے اور بوڑھے ہنگو سے پبلک ٹرانسپورٹ یا نجی گاڑیوں میں سوار لوگوں کوغور سے دیکھتے ہیں۔

	صدہ بازار میں میزائیل داغے گئے

صدہ سے ایمبولیس اور نجی گاڑیوں میں لاشیں اور زخمیوں کو لے کر ہنگو ، کوہاٹ اور پشاور لے جاتی نظر آتی ہیں۔

صدہ پہنچے والے ہر شخص کو بارود کی بو محسوس ہوتی ہے۔ پہاڑی علاقوں میں مختلف جگہوں پر بھاری اسلحے کے استعمال سے آگ لگی ہوئی ہے۔ سب سے زیادہ لوگ صدہ ہسپتال کے اندر اور آس پاس کے علاقوں میں دیکھے گئے ہیں جو زخمیوں کے ساتھ آئے ہوئے تھے۔

صدہ ، جس کی آبادی بیس ہزار افراد کے لگ بھگ بتائی جاتی ہے، میں ایک بڑا بازار بھی ہے جو جنگ کی وجہ سے مکمل طور پر بند ہے۔ صدہ گاؤں کے علاوہ بازار میں بھی مختلف جگہوں پر میزائل اور مارٹر توپ کے گولے گرے ہیں جس سے وہاں پر گڑے پڑگئے ہیں جبکہ کچھ میزائل دوکانوں کو بھی لگے ہیں۔

	صدہ میں مقامی لوگوں میں جھگڑے میں بیس افراد ہلاک ہو گئے

بازار میں موجود ایک دوکاندار نے بتایا کہ مارٹر کا گولہ اس کے دوکان پر آکرگرا ہے جس سے وہاں پر موجود تمام سامان خاکستر ہوگیا ہے۔ان کا کہنا تھا کہ لڑائی میں لوگوں کا کروڑوں روپے کا نقصان ہوا ہے حکومت کو چاہیے کہ دوکانداروں کو معاوضہ دیں۔

مقامی لوگوں میں اس بات پرشدید نارضگی پائی جاتی ہے کہ حکومت نے فریقین کے مابین عارضی جنگ بندی کرانے کےلیے فوجی کاروائی میں دیر کیوں کی ہے۔

کئی لوگوں نے بی بی سی بات کرتے ہوئے کہا کہ اگر حکومت پہلے ہی دن یہ کاروائی کرتی تواتنے جانوں کا ضیاع نہ ہوتا۔