ریاض سہیل بی بی سی اردو ڈاٹ کام کراچی

	طارق کرمانی نے وزیراعظم شوکت عزیز سے ملاقات میں انہیں یہ استعفیٰ پیش کیا

پی آئی اے کے ترجمان نے بی بی سی کو بتایا کہ طارق کرمانی نے وزیراعظم شوکت عزیز سے ملاقات میں انہیں یہ استعفیٰ پیش کیا۔

پی آئی اے کا بحران، ہزاروں پریشان

واضح رہے کہ گزشتہ کچھ عرصے سے پی آئی اے بحران کا شکار ہے۔ اس کا آغاز اس وقت ہوا تھا جب یورپی ایوی ایشن نے پاکستان انٹرنیشنل ائر لائنز کے بیڑے میں شامل بیالیس میں سے تینتیس جہازوں پر یہ کہہ کر پابندی عائد کردی تھی کہ یہ جہاز فضائی سفر کے بین الاقوامی حفاظتی معیار پر پورا نہیں اترتے۔

اس پابندی کی وجہ سے بیرون ملک رہنے والے پاکستانیوں کی ایک بڑی تعداد کو دشواری کا سامنا کرنا پڑا تھا۔

گزشتہ ہفتے پی آئی اے کے انجنیئروں نے بھی ایک طویل ہڑتال کی تھی، جس وجہ سے ادارے کی معمول کی کارکردگی متاثر ہوئی تھی۔