ریاض سہیل بی بی سی اردو ڈاٹ کام، کراچی

	بھگوان داس سینیئر ترین جج ہیں

انہوں نے انیس سو سڑسٹھ میں اسلامک اسٹڈیز میں ماسٹرز کی ڈگری حاصل کی، انیس سو پینٹسھ میں ایل ایل بی اور انیس سو اکاسی میں کراچی یونیورسٹی سے ایل ایل ایم کی ڈگری حاصل کی، انہوں نے توہین عدالت کے قوانین پر تحقیق کی اور دوسری پوزیشن حاصل کی۔

جسٹس بھگوان داس نے اپنی عدالتی سفر کی ابتدا چالیس سال قبل انیس سو سڑسٹھ سے سول جج کی حیثیت سے کی، انیس سو اناسی کو انہیں ترقی دیکر ڈسٹرکٹ اینڈ سیشن جج مقرر کیا گیا۔

انہوں نے انیس سو اسی سے انیس سو تراسی تک لیبر کورٹ اور انسداد دہشت گردی کے جج کے طور پر فرائض سر انجام دیئے۔

اسی عرصے میں انہیں سندھ ہائی کورٹ کی معائنہ ٹیم کا رکن نامزد کیا گیا اور انیس بانوے سے چورانوے تک وہ سندھ ہائی کورٹ کے رجسٹرار ہے

انیس سو چورانوے میں انہیں سینارٹی کی بنیاد پر ترقی دے کر ہائی کورٹ کا جج بنایا گیا اور ان کا الیکشن ٹربیونل کے ممبر اور چیئرمین سروس ٹربیونل کے طور تقرر کیا گیا۔

چار فروری سن دو ہزار کو انہیں ترقی دیکر سپریم کورٹ کا جج بنایا گیا۔
چیف جسٹس افتخار محمد چودھری کے بعد وہ سینئر ترین جج ہونے کی وجہ سے وہ بطور وقتی چیف جسٹس بھی فرائض سرانجام دیتے رہے ہیں۔

جسٹس بھگوان کی فیملی میں اہلیہ رتنا کے علاوہ دو بیٹے اور ایک بیٹی ہے۔
ان کے بڑے بیٹے رانا کیلاش نے کمپیوٹر سسٹم کی ڈگری حاصل کی تھی اور چھوٹے بیٹے رانا مکیش نے ایم بی اے کیا تھا، دونوں اس وقت امریکہ میں ملازمت کرتے ہیں جبکہ ان کی بیٹی شادی شدہ ہیں اور حیدرآباد میں رہتی ہیں۔