ریاض سہیل بی بی سی اردو ڈاٹ کام، کراچی

	کراچی ائرپورٹ پر ذرائع ابلاغ کے نمائندوں کی بہت بڑی تعداد موجود تھی

کراچی کے ہوائی اڈے پر سندھ کے چیف جسٹس صبیح الدین اور جسٹس بھگوان داس کی اہلیہ نے ان کا استقبال کیا۔

اس موقع پر کراچی کے قائدِ اعظم انٹرنیشنل ایئر پورٹ پر صحافیوں اور ذرائع ابلاغ کے نمائندوں کی ایک بہت بڑی تعداد موجود تھی۔ تاہم تقریباً چار بجکر چالیس منٹ پر وی آئی پی لاؤنج سے نکلتے ہوتے ہوئے جسٹس بھگوان داس نے اخبار نویسوں کے سوالوں کے جواب دینے سے انکار کر دیا۔

تاہم انہوں نے کہا کہ وہ پہلے اپنے نئے عہدے کا حلف اٹھائیں گے اور اس کے بعد اخبارنویسوں سے بات کریں گے۔

اخبار نویسوں اور ذرائع ابلاغ کے نمائندوں سے بچنے کے لیے انتظامیہ نے پہلے غیر سرکاری طور پر یہ اطلاع دی تھی کہ جسٹس بھگوان داس دوسری پرواز سے سیدھے اسلام آباد چلے گئے ہیں۔