ہارون رشید بی بی سی اردو ڈاٹ کام، پشاور

	پولیس کو افتخار کی تلاش ہے

ہوتی مرادن پولیس سٹیشن کے ایک اہلکار نے بتایا کہ یہ واقعہ گلو باغ کے علاقے میں پیش آیا۔ پولیس کے مطابق افتخار گجر نامی ایک شخص نے اپنی بیوی اور پانچ بچوں کو تیز دھار آلے سے ذبح کر دیا۔

علاقے کے لوگوں کو شک پڑا تو انہوں نے پولیس کو اطلاع دی جس نے اس شخص کا گھر کھولا تو وہاں چھ لاشیں پائیں۔ بچوں کی عمریں پانچ، تین اور دو برس بتائی جاتی ہیں۔

پولیس کو افتخار کی تلاش ہے جوکہ فرار ہے۔ اس واقعہ کی وجہ ابھی واضح نہیں ہے۔ پولیس کا کہنا ہے کہ تفتیش شروع کر دی گئی ہے۔ لاشوں کو قریبی ہسپتال معائنے کے لئے لایا گیا ہے۔