ریاض سہیل بی بی سی اردٹ ڈاٹ کام، کراچی

	پولیس کے ساتھ رینجرز نے بھی اپنے گشت میں اضافہ کردیا ہے

سندھ کے محکمہ داخلہ کے سیکریٹری محترم غلام محمد نے بی بی سی کو بتایا کہ شہر میں میں داخل ہونے والی تمام گاڑیوں اور ریل گاڑیوں کو چیک کیا جارہا ہے۔

انہوں نے کہا کہ شہر میں کشیدگی موجود ہے خفیہ ایجنسیوں کی رپورٹس بھی ہیں کہ کچھ گروہ امن امان کی صورتحال بگاڑنا چاہتے ہیں۔
ان میں فرقہ وارانہ دہشت گردی میں ملوث گروہ اور دہشت گردی کے خلاف عالمی جنگ سے متاثر ہونے والےگروہ شامل ہیں۔

دوسری جانب

تمام معروف ہوٹلوں چیکنگ کاحکم  شہر کے تمام معروف ہوٹلوں کی انتظامیہ کو کڑے حفاظتی انتظامات کرنے اور آنے والے تمام لوگوں اور ان کے سامان کی چیکنگ کرنے کا حکم کیا گیا ہے

پولیس حکام نے ہوٹل کے منتظمین کو مشکوک خودکش حملہ آوروں کی تصاویر بھی فراہم کرنے کی یقین دہانی کروائی ہے۔

کراچی پولیس حکام نے سنیچر کو شہر کے معروف ہوٹلوں کے چیف سکیورٹی افسران سے ایک مشترکہ ملاقات کی جس میں میریٹ ، شیرٹن، پرل کانٹینٹل، ریجنٹ پلازہ، آواری ٹاورز ، بیچ لگزری اور مہران ہوٹل کے نمائندوں نے شرکت کی۔

پولیس کی جانب سے جاری کیے گئے ایک اعلامیے کے مطابق ڈی آئی جی کراچی مشتاق شاھ نے ہوٹل کے چیف افسران کو ہدایت کی کہ داخل ہونے کے لیے مرکزی گیٹ کے علاوہ دیگر گیٹ استعمال نہ کیے جائیں، مرکزی دروازوں پر ہوٹل کے محافظوں سمیت پولیس اہلکاروں کی تعیناتی بھی یقینی بنائی جائے گی۔

مشتاق شاھ نے بی بی سی سے بات کرتے ہوئے کہا کہ ہوٹلز منتظمین کو ہدایت کی گئی کہ وہ ہوٹل کے اندر اور اطراف میں نصب کلوز سرکٹ کیمروں کو اپ ڈیٹ رکھیں اور تربیت یافتہ افراد کی مدد سے مانیٹرنگ کی جائے۔ کسی فرد کو بغیر تلاشی کے نہ جانے دیا جائے اور نہ ہی سامان چھوڑا جائے۔

انہوں نے کہا ہوٹل منتظمین کو ہوٹلوں کے پارکنگ ایریا کی کڑی نگرانی کرنے اور اطراف میں کسی کو پارکنگ کی اجازت نہ دینے کی ہدایت کی ہے۔

دوسری طرف شہر کے مصروف ترین علاقے ایمپریس مارکیٹ میں واقع سی ڈیز اور ویڈیو کیسٹ کے کاروباری مرکز رینبو سینٹر میں سنیچر کی شام کو پولیس کو بم کی اطلاع ملنے پر خوف ہراس پھیل گیا۔

رینبو سینٹر میں نم کا اطلاع  شہر کے مصروف ترین علاقے ایمپریس مارکیٹ میں واقع سی ڈیز اور ویڈیو کیسٹ کے کاروباری مرکز رینبو سینٹر میں سنیچر کی شام کو پولیس کو بم کی اطلاع ملنے پر خوف ہراس پھیل گیا

اس موقع پر فائر برگیڈ کی گاڑیاں اور ایمبولینسیں بھی پہنچ گئیں دکانداروں اور مکینوں سے عمارت خالی کرا لی گئی۔

ٹی پی او کے مطابق عمارت کو کلیئر کردیا گیا ہے، اب پولیس یہ اطلاع دینے والے کے بارے میں معلومات لے رہی ہے، جس نے موبائیل فون سے اطلاع دی تھی۔