 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
ڈی آئی جی بنوں سپردِ خاک | ||||||||||||||||||||||||||||||||||||||||
پشارو کے علاقے متنی میں پیر کو نامعلوم مسلح افراد کی فائرنگ سے ہلاک ہونے والے ضلع بنوں کے ڈی آئی جی عابد علی اور ان کے ڈرائیور کی نماز جنازہ منگل کو پولیس لائن، پشاور میں ادا کی گئی۔ جنازے میں سرحد کے گورنر علی محمد جان اورکزئی اور وزیر اعلی اکرم خان درانی کے علاوہ صوبائی وزراء، اعلی پولیس اور سول اہلکاروں نے بڑی تعداد میں شرکت کی۔ بعد ازاں مرحوم کی میت خصوصی طیارے میں تدفین کے لیے ان کے آبائی شہر لاہور روانہ کردی گئی۔ اس موقع پر صحافیوں سے بات کرتے ہوئے گورنر اور وزیراعلیٰ سرحد نے ڈی آئی جی بنوں کی ہلاکت پر سخت افسوس کا اظہار کیا۔ انہوں نے کہا کہ واقعے میں ملوث ملزمان قانون کی گرفت سے نہیں بچ سکتے اور انہیں ہر صورت میں گرفتار کیا جائے گا۔ وزیراعلیٰ سرحد نے اس موقع پر مرحوم پولیس افسر کے اہل خانہ کے لیے پچاس لاکھ روپے کا اعلان کیا جبکہ ڈی آئی جی کے اہل ِخانہ کو دس سال تک سرکاری گھر اور گاڑی کی سہولت بھی حاصل ہوگی۔
سرحد پولیس کے سربراہ رفعت پاشا نے کہا ہے کہ رات کے واقعے کی تحقیقات ایڈیشنل آئی جی انوسٹی گیشن کی سربراہی میں شروع کردی گئی ہے جو اس وقت بھی موقع واردات پر شواہد اکھٹے کر رہے ہیں۔ آئی جی کا مزید کہنا تھا کہ تفتیش میں ہر پہلو کا جائزہ لیا جا رہا ہے اور اس بارے میں کچھ کہنا قبل از وقت ہوگا۔ اس سے قبل منگل کی صبح وزیراعلیٰ سرحد اکرم خان درانی نے گورنر ہاؤس میں گورنر علی محمد جان سے ملاقات میں امن وامان کی صورت حال کا جائزہ لیا۔ ملاقات میں اس بات پر اتفاق کیا گیا کہ عابد علی کے قاتلوں کو کیفرِ کردار تک پہنچانے کےلیے تمام تر توانائیاں بروئے کار لائی جائیں گی اور قانون نافذ کرنے والے اداروں کو اس مقصد کے حصول کےلیے تمام تر ممکنہ اقدامات کرنے کی تاکید کی گئی ہے۔ واضع رہے کہ مرحوم ڈی آئی جی کا تعلق لاہور سے تھا لیکن ان کی بیشتر سروس صوبہ سرحد میں رہی۔ مرحوم کی شادی چارسدہ کے ایک اہم مذہبی گھرانے میں ہوئی تھی۔ عابد علی کی اہلیہ چارسدہ کے ممتاز عالم دین مولانا صاحب حق کی بھتیجی ہیں۔ اس سے قبل بنوں کے سینئر سپرنٹنڈنٹ پولیس مظہر الحق کاکاخیل نے بی بی سی کو بتایا تھا کہ یہ واقعہ رات تقریباً ساڑھے دس اور پونے گیارہ بجے کے قریب پیش آیا۔ انہوں نے بتایا تھا کہ ڈی آئی جی بنوں سے پشاور آ رہے تھے اور پشاور کے حدود میں داخل ہی ہوئے تھے کہ سورنہار کے علاقے کے قریب ان پر فائرنگ کی گئی۔ ایس ایس پی نے مقتول ڈی آئی جی کے بارے میں بتایا کہ وہ پی ایس پی (پولیس سروس آف پاکستان) یعنی وفاق کے آفسر تھے اور 18th کامن کے تھے۔ عابد علی کا تعلق پنجاب سے تھا لیکن ان کی بیشتر سروس صوبہ سرحد میں رہی۔ مرحوم ڈی آئی جی دو مرتبہ قائد اعظم پولیس میڈل اور ایک مرتبہ پاکستان پولیس میڈل لے چکے تھے۔ بقول ایس ایس پی مظہر الحق کے ’یہ ایک بہت بہادر افسر تھے۔‘ ڈی آئی جی کے ڈرائیور امیر نواز خان بنوں کے رہائشی تھے۔ |  اسی بارے میں  بنوں خود کش حملہ: پولیس اہلکار ہلاک03 December, 2006 | پاکستان پولیس پر فائرنگ، تین اہلکار ہلاک22 June, 2006 | پاکستان راولپنڈی میں پولیس اہلکار ہلاک10 July, 2004 | پاکستان | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
واقعے کے بارے میں ایس ایس پی کا انٹرویو
