دلاورخان وزیر بی بی سی اردو ڈاٹ کام، ڈیرہ اسماعیل خان

	ڈیرہ اسماعیل خان میں بھی خاصہ دار فورس نے پولیس کے ساتھ جگہ جگہ چھاپے مارے

سوموار کو کی جانے والی کاروائی میں پانچ افراد کو حراست میں لیا گیا مزید گرفتاریوں کے لیے وانا کے علاوہ ٹانک اور ڈیرہ اسماعیل خان میں بھی خاصہ دار فورس نے پولیس کے ساتھ جگہ جگہ چھاپے مارے۔

پولیٹکل انتظامیہ کے مطابق احمد زئی وزیر کے خلاف یہ کارروائی اس وقت کی گیی ہے جب وزیر قبائل گورنر سرحد علی محمد جان اورکرزئی پر راکٹ حملے میں ملوث افراد حکوت کو حوالے کرنے میں ناکام رہے۔

پولیٹکل انتظامیہ کے مطابق احمد زئی وزیرقبائل سے تعلق رکھنے والے چار افراد کو ٹانک اور ڈیرہ اسماعیل سے بھی گرفتار کیا گیا ہے۔

اب گرفتار ہونے والوں کی تعداد نو ہوگئی شام گئے تک ڈیرہ اسماعیل خان میں پولیس نے تین بڑے بڑے مسافر خانوں کو سربمہر کردیا تھا اور وہاں ٹھرے ہوئے مسافروں کو باہر نکل دیا گیا۔