دلاورخان وزیر بی بی سی اردو ڈاٹ کام، ڈیرہ اسماعیل خان

	لاش یو ایس ایڈ کی سڑک ایک دکان کے سامنے سے ملی

فوج نے جوابی کارروائی بھی کی لیکن دونوں طرف کسی جانی نقصان کی اطلاع نہیں ملی ہے۔

اتوار کی صبح سات بجے وانا کے مضافاتی علاقہ کریکوٹ سے ازبک کی لاش ملی۔ بتایا جاتا ہے کہ لاش وانا میں روپوش غیر ملکی ازبک کمانڈر جعفراسد کا بیٹا ہے جو سنیچر سے لاپتہ ہوگیا تھا۔ یہ معلوم نہیں کہ لڑکے کو کسی نے اغواء کیا تھا یا وہ خود کہیں گیا تھا مگر انہیں گلا گھونٹ کرہلاک کیا گیا ہے۔

لاش یو ایس ایڈ کی سڑک پر ایک دکان کے سامنے سے ملی۔ بعد میں مقامیوں نے انہیں کریکوٹ ہی کے ایک بڑے قبرستان میں سپرد خاک کردیا۔ جنازے میں شریک وزیرخان نے بی بی سی کو بتایا کہ جنازے میں سینکڑوں مقامی لوگوں نے شرکت کی۔

اس کے علاوہ اتور کی صبح چار بجے نامعلوم افراد نے وانا سکاؤٹس کیمپ پر تین راکٹ داغے جو قلعہ کے قرب جوار میں جاگرے اور کئی دھماکے سنے گئے۔ اس کے بعد فوج نے جوابی کارروائی بھی کی لیکن دونوں طرف سے کسی جانی نقصان کی اطلاع نہیں ملی البتہ تازہ ترین واقعات سے علاقہ میں زبردست خوف و ہراس پھیل گیا ہے۔