 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
ویزا کی نرمی بھارت کے لیے نہیں | ||||||||||||||||||||||||||||||||||||||||
پاکستان کی وزارت سیاحت نے کہا ہے کہ بیس ملکوں کے شہریوں کو پاکستان آمد پر ہی ویزا جاری کردیا جائے گا لیکن اس کا اطلاق بھارت پر نہیں ہوگا۔ اس سے پہلے ستائیس ستمبر کو عالمی یوم سیاحت کے موقع پر وفاقی وزیر سیاحت نیلوفر بختیار سے سرکاری نیوز ایجنسی اے پی پی نے یہ بیان منسوب کیا تھا کہ بھارت سمیت بیس ملکوں کے شہریوں کو پاکستان آمد پر ویزا دیا جائے گا۔ تاہم وزارت سیاحت نے اس کی تردید میں وضاحت جاری کی ہے۔ وزارت سیاحت نے کہا ہے کہ بیس ملکوں میں بھارت شامل نہیں اور یہ کہ بھارت سے آنے والے لوگوں کو صرف یہ رعایت دی گئی ہے کہ انہیں پہلے کی نسبت زیادہ دنوں کے لیے ویزا جاری کیا جائے گا۔ اس سال جولائی میں حکومت نے نئی ویزا پالیسی جاری کرتے ہوئے اعلان کیا تھا کہ بھارت سے آنے والے کاروباری لوگوں کو چھ ماہ کا ایک سے زیادہ بار استعمال کیے جانے والا (ملٹپل) ویزہ دیا جائے گا اور بھارت سے مقدس مقامات کی یاترا کےلیئے آنے والوں کو پانچ دنوں کی بجائے پندرہ دنوں کا اور سیاحوں کو چودہ دنوں کی بجائے ایک ماہ کا ویزا دیا جائے گا۔ پاکستان نے سنہ دو ہزار سات کو سیاحت کے فروغ کے سال کے طور پر منانے کا اعلان کیا ہے۔ پاکستان کی وزارت داخلہ نے نے انہتر (69) ایسے ملکوں کی فہرست جاری کی ہوئی ہے جن کے کاروباری حضرات کو ملک آمد پر ہی تیس دنوں کا ویزا جاری کیا جاسکتا ہے۔ ان ملکو ں میں زیادہ تر یورپ، امریکہ، مشرقی ایشیا، وسطی ایشیا اور مشرق وسطی کے ممالک شامل ہیں۔ وزارت داخلہ کی سرکاری ویب سائیٹ کے مطابق اٹھائیس ملکوں کے سفارت کار اور سرکاری اہلکار بغیر ویزا کے پاکستان میں داخل ہوسکتے ہیں جبکہ آٹھ ملکوں جیسے مالدیپ، نیپال، آئس لینڈ کے تمام شہری بھی بغیر ویزا کے پاکستان میں آسکتے ہیں۔ |  اسی بارے میں  پاکستان: نئی ویزہ پالیسی کا اعلان30 June, 2006 | پاکستان ہاکی فیڈریشن میں ویزا سکینڈل03 July, 2006 | کھیل پاک بھارت سیریز، ویزوں کا اجراء26 December, 2005 | کھیل | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
