حسن مجتبی ساں ڈیاگو، کیلیفورنیا

	بگٹی قبیلے کے سردار اکبر بگٹی کو 26 اگست 2006 کو ایک فوجی کارروائی میں ہلاک کیا گیا

سانا کے صدر عزیز ناریجو کی طرف سے جاری کردہ ایک بیان میں کہا گیا ہے کہ سندھی ایسوسی ایشن بلوچ رہنما کے قتل کی شدید ترین مذمت کرتی ہے اور ایسے قتل کو پاکستانی فوجی اسٹیبلشنٹ کے ہاتھوں سنگین جرم سمجھا جائے جو ملک کی بنیادیں تباہ کرنے کے در پہ ہے۔

عزیز ناریجو نے کہا ہے کہ ’حکمران ٹولے کو یہ سمجھنا چاہیے کہ ان کے ایسے اقدامات عوام کی اپنے حقوق کے لیئےلڑائي کو اور تیز کریں گے۔‘ سانا کے صدر نے کہا کہ ان کی تنظیم سندھی ایسوسی ایشن آف نارتھ امریکا بلوچستان میں جاری آپریشن فوری بند کرنے اور بلوچوں کے مطالبات تسلیم کرنے کا مطالبہ کرتی ہے۔

سانا کیطرف سے جاری بیان کے آخر میں کہا گیا ہے کہ ’ہمیں یقین ہے کہ اکبر بگٹی کا قتل بلوچ جدوجہد کا رخ تبدیل کردے گا اور انیس سو اکہتر میں ہونےوالے واقعات کی طرح تمام ملک کو اپنے لپیٹ میں لے لے گا‘