دلاورخان وزیر بی بی سی اردو ڈاٹ کام، ڈیرہ اسمعٰیل خان

	جنوبی وزیرستان میں پاکستانی سکیورٹی فورسز مشتبہ طالبان کے خلاف سرگرم ہیں۔

نورمحمد المعروف نورگائی کا تعلق توجی خیل وزیر قبیلے سے تھا۔

نور محمد کوگزشتہ شام سات بجے کے بعد وانا سے چالیس کلومیٹر دور مغرب کی جانب افعان سرحد کے قریب انگور اڈہ میں اس وقت گولیاں مار کر ہلاک کر دیا جب وہ باغڑ کے علاقے سے گزر کر پیدل گھر جا رہے تھے۔

حملہ آور ان کے تعاقب میں ایک سفید موٹرکار میں سوار تھے۔ مسلح نقاب پوشوں نے ان پراندھا دھند گولیاں چلائیں جسں کے نتیجے میں نور محمد موقع ہی پر ہلاک ہوگے۔

نور محمد کو کئی مرتبہ پمفلٹوں کے ذریعے آگاہ کیا تھا کہ وہ سرحد پار امریکیوں سے ملنا بند کر دیں لیکن ان پیغاموں میں یہ واضع نہیں تھا کہ پمفلٹ کس کی جانب سے تھا۔

یاد رہے کہ نور محمد کا ایک گھر پاکستان کے علاوہ افغانستان کے علاقے برمل میں بھی تھا جسں کی وجہ سے ان کا آنا جانا لگا رہتا تھا۔اطلاعات کے مطابق مرحوم برمل میں واقع امریکی کیمپ مچاداد کوٹ بھی مبینہ طور پر جایا کرتے تھے۔