اعجاز مہر بی بی سی اردو ڈاٹ کام، اسلام آباد

	مولانا فضل الرحمٰن میاں نواز شریف سے ملاقات کرنے والے ہیں جس میں تحریک عدم اعتماد اور مل کر جدوجہد کے بارے میں غور ہوگا

یہ اعلان مخدوم امین فہیم کی سربراہی میں ہونے والے ایک اجلاس کے بعد نیوز بریفنگ میں کیا گیا جس میں راجہ ظفرالحق، محمود خان اچکزئی، لیاقت بلوچ، حافظ حسین احمد، آغا شاہد بگٹی اور دیگر رہنما بھی موجود تھے۔

انہوں نے بریفنگ میں بتایا کہ تحریک عدم اعتماد تئیس اگست کو قومی اسمبلی میں جمع کرائی جائے گی اور تحریک کا متن تیار کرنے کے لیئے محمود خان اچکزئی کی سربراہی میں کمیٹی قائم کی گئی ہے جس میں پیپلز پارٹی کے اعتزاز احسن سمیت مختلف جماعتوں کے اراکین شامل ہوں گے۔

حزب مخالف کے رہنماؤ ں نے بتایا کہ متحدہ مجلس عمل کی جانب سے چودہ اگست کو لاہور میں مینار پاکستان پر منعقد کیے جانے والے جلسے میں تمام جماعتوں کے نمائندے بھرپور شرکت کریں گے۔

بڑا قدم  حزب مخالف کی تمام جماعتوں کی جانب سے متفقہ طور پر تحریک عدم اعتماد کا فیصلہ حکومت کے خلاف ایک بڑے اتحاد کی طرف ایک اہم قدم ہے حافظ حسین احمد

تاہم صدر کے مواخدے کے بارے میں انہوں نے کہا کہ فی الوقت وزیراعظم کے خلاف تحریک عدم اعتماد پیش کر رہے ہیں اور صدر کے بارے میں بعد میں سوچیں گے۔

حافظ حسین احمد نے اس موقع پر کہا کہ حزب مخالف کی تمام جماعتوں کی جانب سے متفقہ طور پر تحریک عدم اعتماد کا فیصلہ حکومت کے خلاف ایک بڑے اتحاد کی طرف ایک اہم قدم ہے۔

اقبال ظفر جھگڑا نے بتایا کہ مولانا فضل الرحمٰن جمعرات کے روز لندن میں میاں نواز شریف سے ملاقات کرنے والے ہیں جس میں تحریک عدم اعتماد اور مستقبل میں مل کر جدوجہد کے بارے میں غور ہوگا۔

واضح رہے کہ پاکستان کی قومی اسمبلی کے تین سو بیالیس اراکین ہیں جس میں حکومتی اتحاد میں ایک سو پچانوے سے زائد اراکین شامل ہیں۔ جبکہ حزب مخالف کی تمام جماعتوں کے اراکین کی تعداد ایک سو پینتالیس کے قریب بنتی ہے۔

حزب مخالف نے بائیس فروری سن دو ہزار چار کو جب سپیکر چودھری امیر حسین کے خلاف عدم اعتماد کی تحریک پیش کی تھی تو اس وقت حکومت نے اپنے اراکین کو ووٹ دینے نہیں دیا اور حزب مخالف سے کہا کہ وہ ووٹ دیں جس پر انہوں نے ہنگامہ کرکے بائیکاٹ کردیا تھا۔

واضح رہے کہ ستائیس اگست سن دو ہزار چار کو جب موجودہ وزیراعظم شوکت عزیز قائد ایوان منتخب ہوئے تھے تو انہوں نے ایک سو اکانوے ووٹ حاصل کیے تھے۔