ساجد اقبال اور مظہر زیدی بی بی سی اردو ڈاٹ کام، اسلام آباد

	لاپتہ افراد کے پروگرام میں شریک ان افراد کے خاندان والے

وہ جو لاپتہ ہوگئے: ویب کاسٹ آن ڈیمانڈ

لاپتہ پاکستانی: پروگرام کی تصاویر

’میں یہاں اس حکومت کی ناکامی کو بیان کررہا ہوں جسے ایک طرف دہشت گردی جیسے سنگین مسائل کا سامنا ہے اور دوسری جانب اپنے شہریوں کے حقوق کا بھی خیال رکھنا ہے۔‘

وفاقی وزیر اطلاعات نے کہا کہ حکومت کا فرض ہے کہ وہ لاپتہ افراد کی تلاش کے سلسلے میں اپنے فرائض ادا کرے اور ایسے اقدامات کرے کے اس سلسلے میں شکایات پیدا نہ ہوں۔

	اسد درانی اور محمد علی درانی لاپتہ افراد کے خاندانوں کے سامنے

اس پروگرام میں جہاں صوبہ سندھ اور بلوچستان کے لاپتہ سیاسی کارکنوں کے اہل خانہ کے نمائندے شریک ہوئے وہاں وزیر اطلاعات کے علاوہ ’آئی ایس آئی، کے سابق سربراہ لیفٹیننٹ جنرل ( ر) اسد درانی اور انسانی حقوق کمیشن کے سرکردہ رہنما آئی اے رحمٰن بھی شریک ہوئے۔

امریکی شہریت رکھنے والے سیاسی کارکن صفدر سرکی کی اہلیہ پارس سرکی نے امریکہ سے ٹیلی فون پر پروگرام میں شرکت کی۔ آئی ایس آئی کے سابق سربراہ اسد درانی نے اس بات کو تسلیم کیا کہ ایجنسیاں ایسا کرتی ہیں۔ انہوں نے کہا کہ ایسا کرتے ہوئے خیال یہ ہوتا ہے کہ مروجہ طریقہِ کار پر عمل کرتے ہوئے وہ اپنے فرائض انجام نہیں دے سکیں۔ تاہم انہوں نہ کہا کہ وہ اس طریقے سے کی گئی گرفتاریوں کا دفاع نہیں کر سکتے۔

انسانی حقوق کمشن کے اعلیٰ عہدے دار آئی اے رحمٰن نہ کہا کہ دہشت گردی کے خلاف جنگ اپنی لیکن یہ بات فراموش نہیں کرنی چاہیئے کہ کسی حالت میں بھی بنیادی انسان ی حقوق کو پامال نہیں کیا جا سکتا۔

’میں نہیں کہتا کہ حکومتی ادارے گرفتاریاں نہ کریں لیکن اگر ان کے خلاف الزامات ہیں تو انہیں منظر عام پر لائیں اور ان کے خلاف مقدمات چلائیں‘۔