عدنان عادل بی بی سی اردو ڈاٹ کام، لاہور

	اعظم طارق کواکتوبر 2003 میں ہلاک کر دیا گیا تھا

غلام رضا نقوی پر سنہ انیس سو چورانوے میں مخالف تنظیم کالعدم سپاہ صحابہ کے سربراہ اعظم طارق پر سرگودھا میں قاتلانہ حملہ کرنے کا الزام تھا۔

اس حملہ میں اعظم طارق تو بچ گئے تھے لیکن ان کے دو ساتھی محمد امتیاز اور محمد شاہد ہلاک ہوگئے تھے۔ یاد رہے کہ بعد ازاں اکتوبر سنہ دوہزار تین میں اعظم طارق اسلام آباد کے پاس ایک قاتلانہ حملہ میں ہلاک ہوگئے تھے۔

عدالت نے اس مقدمہ میں غلام رضا نقوی کے ساتھ ایک اور ملزم شبر عباس کو بھی دو بار سزائےموت دی ہے جبکہ دس دوسرے شریک ملزموں کو بری کرنے کا حکم دیا ہے۔ یہ ملزمان پہلے ہی ضمانت پر رہا ہوچکے تھے۔