ریاض سہیل بی بی سی اردو ڈاٹ کام ،کراچی

	رحمان ڈاکو کو بلوچستان سے گرفتار کیا گیا تھا

کراچی پولیس کو قتل، اغوا اور منشیات فروشی کے مقدمات میں انتۃائی مطلوب رحمان ڈکیت کو کچھ روز قبل کوئٹہ سےگرفتار کیا گیا تھا۔

شہر میں انڈر ورلڈ کے ڈان کے نام سے مشہور رحمان ڈکیت کی گرفتاری پر صوبائی حکومت نے پچاس لاکھ روپے انعام کا بھی اعلان کیا تھا۔

بدھ کے روز دس سے زائد بسوں اور دیگر گاڑیوں میں سوار ہوکر لیاری کے رہائشی لوگ پریس کلب پہنچے جن میں رحمان کی بھابی اور چھوٹا بیٹا بھی شامل تھا۔

مشرف اگر نوکریوں پر پابندی نہیں لگاتا تو غریب نوجوان اس طرح دربدر نہیں ہوتے وہ نوکریوں سے پابندی ہٹائیں یہاں کوئی ڈکیت نہیں رہےگا۔

برقعہ پوش اس خاتون کا کہنا تھا کہ ایک سال قبل اس کے شوہر اور رحمان کے بھائی رحیم کو پولیس گھر سے اٹھا کر لے گئی تھی اور بعد میں اسے قتل کردیا۔

آج رحمان کی جان کو خطرہ ہے اس کو فوری طور عدالت میں پیش کیا جائے۔
انہوں نے کہا کہ رحمان کو اسلام آباد میں رکھا گیا ہے جہاں اس کو تشدد کا نشانہ بنایا جارہا ہے۔ ان کے مطابق اگر اس نے غلطی کی ہے تو اللہ اسے معاف کرےگا۔

	رحمان ڈاکو شادی کے بعد جرائم کی دنیا کو چھوڑنا چاہتا تھا

ان کا کہنا تھا کہ مشرف اگر نوکریوں پر پابندی نہیں لگاتا تو غریب نوجوان اس طرح دربدر نہیں ہوتے وہ نوکریوں سے پابندی ہٹائیں یہاں کوئی ڈکیت نہیں رہےگا۔

رحمان کی بھتیجی حرا محمد شریف کی جانب سے ایک تحریری بیان تقسیم کیا گیا جس میں کہا گیا ہے کہ رحمان نے شادی کے بعد جرائم کی دنیا چھوڑنی چاہئی تھی مگر ارشد پپو میرے چچا کو دہمکیاں دیتا اور چیلنج کرتا تھا۔
ان کا کہنا ہے کہ رحمان نے ارشد پپو کو سبق سکھانے کے لیئے لڑائی کی لیکن کسی بےگناہ کو کبھی بھی قتل نہیں کیا۔

واضح رہے کہ رحمان اور ارشد پپو دونوں کراچی پولیس کو مطلوب ہیں دونوں کے گروہوں میں گینگ وار میں کئی لوگ ہلاک ہوچکے ہیں۔ پولیس لیاری میں منشیات کی فروخت اور بدامنی کا ذمے دار دونوں گروہوں کو قرار دیتی ہے۔

رحمان نے کراچی کے قریبی بلوچستان کے علاقے حب میں اپنا اڈہ قائم کیا ہوا تھا جسے وائٹ ہاؤس کے نام سے پکارا جاتا تھا، ڈیڑھ سال قبل قانون نافذ کرنے والے ادارے نے ایک کارروائی کے بعد اس بم سے مسمار کردیا تھا۔