مبشر زیدی بی بی سی اردو ڈاٹ کام، اسلام آباد

	بھارت کے داخلہ سکریٹری وی کے دگل اور ان کے پاکستانی ہم منصب سید کمال شاہ

حکام نے اسلام آباد میں دو روزہ بات چیت کے بعد ایک مشترکہ اعلامیے میں کہا گیا ہے کہ دونوں ممالک دہشت گردوں کے خلاف موثر اقدامات کریں گے۔

اسلام آباد میں داخلہ سیکریٹریوں کے درمیان دو روزہ مذاکرات کے بعد جاری ہونے والے اعلامیے میں کہا گیا ہے کہ مستقبل میں غلطی سے سرحد پار کر جانے والے افراد، بچوں، بوڑھوں اور معذور افراد کی جلد رہائی عمل میں لائی جائے گی۔

اس کے علاوہ دونوں ممالک نے منشیات کے خاتمے،انسانی سمگلنگ اور جعلی کرنسی کے کاروبار کی روک تھام کے لیئے مشترکہ اقدامات کرنے پر بھی آمادگی ظاہر کی ہے۔

بدھ کو پاکستان کے کچھ اخبارات میں خبریں شائع ہوئی تھیں کہ دونوں ممالک نے مبینہ دہشت گردوں کیفہرستوں کا تبادلہ بھی کیا ہے۔ سیکریٹری داخلہ نے اس خبر کی تردید نہیں کی تاہم انہوں نے کہا کہ ذرائع ابلاغ اس دو روزہ بات چیت کی صرف مثبت باتوں کو اجاگر کرے

بدھ کو پاکستان کے کچھ اخبارات میں خبریں شائع ہوئی تھیں کہ دونوں ممالک نے مبینہ دہشت گردوں کی فہرستوں کا تبادلہ بھی کیا ہے۔ سکریٹری داخلہ نے اس خبر کی تردید نہیں کی تاہم انہوں نے کہا کہ ذرائع ابلاغ اس دو روزہ بات چیت کی صرف مثبت باتوں کو اجاگر کرے۔

کمال شاہ کا کہنا تھا کہ بھارت میں اس وقت چار سو بہتر قیدی ہیں جن میں سے اکثر تک پاکستانی ہائی کمیشن کی رسائی ہو چکی ہے اور امید ہے کہ ان میں سے بیشتر کو اس ماہ کے آخر تک رہا کر دیا جائے گا۔ تاہم ان میں سے ایک سو سینتالیس پاکستانی قیدیوں تک ابھی ہائی کمیشن کی رسائی نہیں ہوئی ہے جن تک رسائی ہونے کے بعد ان کو بھی رہا کر دیا جائے گا۔

کمال شاہ کا کہنا تھا کہ پاکستانی جیلوں میں اس وقت پانچ سو پینتالیس بھارتی ماہی گیر اور غیر فوجی قیدی ہیں جن میں سے دو سو اکسٹھ تک بھارتی ہائی کمیشن کی رسائی ہو گئی ہے اور ان کو اس ماہ کے آخر تک رہا کر دیا جائے گا۔

بھارتی سکریٹری داخلہ وی کے دگل نے کہا کہ اس بات چیت کا مقصد دونوں ممالک کے درمیان دوستی اور مفاہمت اور دیرینہ امن قائم کرنا تھا اور دو روزہ مذاکرات میں کافی پیش رفت ہوئی ہے۔