ہم گل محمد کے بغیر اپنا مشن مکمل نہیں کرسکتے تھے: ایزا بیلا

’آج ہم نے پہاڑی علاقے کو ہمیشہ کے لیئے خیر باد کہہ دیا۔ یہ یہاں ہمارے مشن کا اختتام ہے۔

یہاں گزارے ہوئے چار ماہ کسی کو جاننے اور دوست بنانے کے لیئے کافی تھے اور اس جگہ کو چھوڑنا تکلیف دہ بھی تھا اور جذبات سے پُر بھی۔

گل محمد دور دراز گاؤں سے ہمیں وہ ٹوپی لوٹانے آیا تھا جس پر ہمارے ادارے کا نام لکھا تھا۔ ہم نے اسے کہا کہ اس ٹوپی کو تحفتاً اپنے پاس رکھ لے تو اس لمحے اس لمبے چوڑے مضبوط شخص کی آنکھوں میں آنسو آگئے۔ ایزا بیلا

ہم ہمیشہ اس کے بڑے خاندان کے بارے میں اس سے چھیڑ چھاڑ کرتے رہتے تھے۔ ہم کہتے تھے کہ تمہارا خاندان تو ایک پوراگاؤں ہے۔ ہم صرف ایک ہی ایسے شخص کو جانتے ہی جس کی دو بیویاں اور چودہ بچے ہیں۔

گل حسن پڑھا لکھا تو نہیں پھر بھی اپنی تنخواہ لیتے وقت وہ کراس ڈالنے کے بجائے اپنا نام لکھنا پسند کرتا تھا۔

	’یہاں گزارے ہوئے دو ماہ، کوگوں کو جاننے اور دوست بنانے کے لیئے کافی تھے‘

گل محمد دور دراز گاؤں سے ہمیں وہ ٹوپی لوٹانے آیا تھا جس پر ہمارے ادارے کا نام لکھا تھا۔ ہم نے اسے کہا کہ اس ٹوپی کو تحفتاً اپنے پاس رکھ لے تو اس لمحے اس لمبے چوڑے مضبوط شخص کی آنکھوں میں آنسو آگئے۔

ہم گل محمد کے بغیر اپنا مشن مکمل نہیں کرسکتے تھے۔ اور بھی کئی کارکن مثلاً نصیر اور حنیف نے ہمارا بہت ساتھ دیا۔

چار ماہ گزارنے کے بعد ان لوگوں سے جدا ہونا کافی مشکل تھا۔ نصیر وہ واحد شخص تھا جو یونیورسٹی تک پڑھا ہوا تھا جبکہ حنیف بھی تھوڑا بہت پڑھنا لکھنا جانتا تھا۔

ان سب کو شروع میں تربیت دینا کوئی آسان کام نہ تھا۔ مگر ایک مرتبہ سمجھ لینے کے بعد ہمارا کام آسان ہوگیا۔

ہم نے اپنے مشن کے دوران 25 گاؤوں کے 12000 افراد تک امداد پہنچائی۔ اس دشوار گزار علاقے تک امدادی اشیاء پہنچانا کافی مشکل ثابت ہوا۔ اگرچہ موسم سرما ختم ہوچکا ہے تاہم ہم نے ٹین کی جو چھتیں اور کمبل یہاں پہنچائے ہیں وہ کافی عرصے تک ان کے کام آسکیں گے۔

ہم دتورا گاؤں میں لڑکیوں کا سکول کھولنے کی کوشش بھی کررہے ہیں۔ یہ گاؤں وادی نیلم میں 6000 فٹ کی بلندی پر واقع ہے۔ یہاں غیر سرکاری تنظیمیں لڑکوں کے سکول کھولنے کے لیئے پہلے ہی کوشاں ہیں تاہم لڑکیوں کی تعلیم کا کوئی پراجیکٹ موجود نہیں ہے۔

	ان لوگوں سے جدا ہونا تکلیف دہ بھی تھا اور جذبات سے پُر بھی

دتورا میں ایک خاتون استانی موجود ہے جوکہ سکول کے قیام کے لیئے خوش آئند ہے۔ وہ گاؤں کی 70 لڑکیوں کو پڑھاتی ہے۔ یہ بچے تباہ شدہ عمارت میں بیٹھ کر پڑھتے ہیںں کیونکہ یہاں نہ تو پین، پنسلیں ہیں اور نہ ہی کاپیاں، کتابیں اور بلیک بورڈ۔

خراب موسم کے باعث ہم یہاں سے ہیلی کاپٹر کے بجائے پیدل ہی واپس روانہ ہوئے۔

موسم سرما لوگوں کے لیئے اتنا سخت ثابت نہیں ہوا جیسا کہ خدشہ ظاہر کیا جارہا تھا۔ صرف چند ہفتے نہایت دشوار تھے۔

لوگوں میں جینے کی امنگ ہے یہی وجہ ہے کہ سخت سردی بھی جان لیوا ثابت نہیں ہوئی۔

اگر میں اور ڈینیئل کسی چیز کے بارے میں مطمئن ہیں تو وہ یہ کہ ہم نے علاقے میں امداد کی تقسیم نہایت منصفانہ کی ہے۔ لیکن یہ کرنا کوئی اتنا آسان نہ تھا۔

ابھی بھی ان افراد کو کئی آزمائشوں کا سامنا رہے گا۔ زلزلہ سے ان کے بیجوں کے ذخائر ضائع ہوگئے اس لیئے اگلے موسم میں کھیتی باڑی ان کے لیئے مشکل ہوگی۔ ابھی تو ان کی ساری توجہ گھروں کی تعمیر پر ہے۔

کئی متاثرین جو زلزلہ کے بعد یہاں سے چلے گئے تھے، اب واپس لوٹنا شروع ہوگئے ہیں۔ کئی کے پاس واپس آنے کے لیئے کچھ بھی نہیں بچا۔ نہ گھر اور نہ ہی خاندان۔

ان افراد کو کئی سالوں تک امداد کی ضرورت رہے گی۔