اعجاز مہر
بی بی سی اردو ڈاٹ کام، |  |
| | | کراچی سٹیشن کو روشنیوں اور جھنڈوں سے سجایا گیا تھا (فوٹو:ریاض سہیل) |
پاکستان اور بھارت کے درمیان اکتالیس سال بعد کھوکراپار کے راستے چلنے والی ٹرین سروس جمعہ کی رات بحال ہو گئی۔ تھر ایکسپریس کہلانے والی یہ ٹرین سروس کراچی سے ہفتے میں ایک بار چلے گی۔ یہ ٹرین جمعہ کو رات گیارہ بجے روانہ ہوا کرے گی اور دوسرے دن دو پہر کو مونا بھاؤ پہنچا کرے گی۔ ٹرین سروس کے افتتاح کے موقع پر کراچی کے ٹرین سٹیشن پر رنگا رنگ روشنیاں لگائی گئی تھیں اور ٹرین کو جھنڈیوں سے سجایا گیا تھا۔ ٹرین پر کئی مسافر ٹکٹ خریدنے کے باوجود اس لیے سفر نہ کر سکے کہ ان کے پاس بھارت کا ویزا نہیں تھا۔ سٹیشن پر اس موقع پر ایک خصوصی تقریب منعقد ہوئی جس میں وزیر اعلیٰ اور گورنر سندھ دونوں شریک تھے۔ سٹیشن پر گورنر سندھ کی جماعت ایم کیو ایم کی جھنڈے لگے ہوئے تھے، اور پارٹی کارکنان جماعت کے قائد الطاف حسین کے حق میں نعرے لگا رہے تھے جس سے یہ تاثر مل رہا تھا کہ یہ پورا ایم کیو ایم کا ہی شو ہے۔ کرایہ
تھر ایکسپریس تین سو اسی کلوٹر کا فیصلہ چودہ گھنٹے میں طے کر کے مونا بھاؤ پہنچے گی۔ اس کا کرایہ تین سو نوے روپے فی کس ہے ۔ | 
زیروپوائنٹ پر میلے کی تیاریاں
