 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
بگٹی قلعے میں دھماکے؟ | ||||||||||||||||||||||||||||||||||||||||
ڈیرہ بگٹی میں نواب اکبر بگٹی کے قلعے سے دھماکوں کی آوازیں سنی گئی ہیں لیکن یہ معلوم نہیں ہو سکا کہ دھماکے کیسے ہوئے ہیں۔ ڈیرہ بگٹی میں حالات کشیدہ ہیں۔ پیر کے روز شدید جھڑپوں کی اطلاع موصول ہوئی تھیں اور یہ کہا گیا تھا کہ سکیورٹی فورسز نے ہیلی کاپٹروں سے شدید حملے کیے ہیں۔ پیر اور منگل کی درمیانی رات کو ڈیرہ بگٹی کے ضلعی رابطہ افسر عبدالصمد لاسی نے صحافیوں کو بتایا کہ نواب اکبر بگٹی کے قلعے سے دھماکوں کی آوازیں آرہی ہیں۔ انہوں نے خدشہ ظاہر کیا کہ ہوسکتا ہے وہاں سے بھاگنے والے فراریوں نے خود ہی اسلحے کو آگ لگا دی ہو۔ انہوں نے ہیلی کاپٹروں سے بمباری کے بارے میں بھی لاعلمی کا اظہار کیا ہے۔
مقامی لوگوں نے بتایا کہ پیر کوشدید حملوں سے قلعے میں قائم اسلحے کے ڈپو کو آگ لگی جس سے دھماکے ہوئے۔ اس سلسلے میں نواب اکبر بگٹی اور جمہوری وطن پارٹی کے قائدین سے رابطے کی کوشش کی لیکن رابطہ نہ ہوسکا۔ عبدالصمد لاسی نے بتایا کہ فرنٹیئر کور کے اہلکاروں نے سوئی ڈیرہ بگٹی روڈ سے دو افراد کو گرفتار کیا ہے جو بارودی سرنگیں نصب کر رہے تھے۔ | 
اسی بارے میں  اوچ پاور پلانٹ، ایک اور دھماکہ06 February, 2006 | پاکستان ’سرداروں کے خلاف کارروائی ہوگی‘06 February, 2006 | پاکستان ’بلوچ شرپسندوں پر شک ہے‘05 February, 2006 | پاکستان ڈیرہ بگٹی: کشیدگی بڑھنے کا خدشہ04 February, 2006 | پاکستان | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
مقامی لوگوں نے بتایا کہ پیر کو شدید حملوں سے قلعے میں قائم اسلحے کے ڈپو کو آگ لگی ہے جس سے دھماکے ہوئے ہیں
