عزیزاللہ خان بی بی سی اردو ڈاٹ کام، کوئٹہ

	اس پائپ لائن کو جنوری سے اب تک چار مرتبہ دھماکے سے اڑایا گیا ہے

ڈیرہ مراد جمالی سے پولیس اہلکار نے بتایا ہے کہ یہ دھماکہ رات پونے ایک بجے کے قریب ہوا ہے۔

پولیس عملہ موقع پر پہنچ گیا ہے جہاں دھواں ہی دھواں ہے لیکن گیس کو آگ لگنے یا کوئی جانی نقصان کی اطلاع نہیں ہے۔

اس دھماکے سے اوچ پاور پلانٹ کو گیس کی ترسیل منقطع ہو گئی ہے جس سے پاور پلانٹ بند کر دیا گیا ہے۔

یاد رہےکہ چوبیس انچ قطر کی اس پائپ لائن کو جنوری سے اب تک چار مرتبہ دھماکے سے اڑایا گیا ہے۔

اس دھماکے کے بعد اوچ پاور پلانٹ بند کر دیا گیا اور بلوچستان کے کچھ علاقوں کو بجلی کر ترسیل منقطع کر دی گئی۔