ریاض سہیل بی بی سی اردو ڈاٹ کام، کراچی

	چاہئے۔انہیں ہمیشہ مقدمے کے جلد نمٹانے اور فوری انصاف کی کوشش کرنی چاہئے۔

سپریم جوڈیشل کونسل کے ترتیب دیئے گئے اس ضابطے پر ہر صوبے کی ہائی کورٹ کے ذریعے عمل درآمد کیا جائیگا ۔

ضابطہ اخلاق میں ججوں کو ماسوائے مجبوری عام لوگوں سے ملنے، ہوٹلوں بازاروں اورگلیوں میں بے مقصد گھومنے پھرنے سے گریز کرنے کو کہا گیا ہے۔

انہیں یہ بھی ہدایت کی گئی ہے کہ وہ غصہ کرنے اور غصے میں فیصلہ کرنے سے احتراز کریں۔

نئے ضابطہ اخلاق کے مطابق جج کو خدا ترس، قانون کا احترام کرنے والا، قول کا سچا، ذہین، محتاط اور الزام سے پاک ہونا چاہیے۔

اٹھارہ نکات پر مشتمل یہ ضابطہ اخلاق سندھ کے تمام ججز کو جاری کردیا گیا ہے۔ جس میں کہا گیا ہے کہ جج پر کسی لالچ کا اثر نہیں ہونا چاہیے۔ اور اسے اپنے فیصلے یا رویے میں کسی بھی فریق یا اس کے وکیل سے جانبداری نہیں دکھانی چاہیے۔

جج کو فیصلے میں مستقل مزاج ہونا چاہیے۔انہیں ہمیشہ مقدمے کے جلد نمٹانے اور فوری انصاف کی کوشش کرنی چاہیے۔

جج کو یونیفارم پہن کر مودبانہ طریقے سے کرسی پر بیٹھنا چاہیے۔لیکن اس سے غرور کا تاثر نہیں ملنا چاہیے۔

ججوں کو ہدایت کی گئی ہے کہ وہ چیمبر میں مقدمات کی کارروائی نہیں چلائیں۔اور نہ ہی وہاں دوستوں اور مہمانوں سے ملیں، ماسوائے مجبوری کے بار بار کمرہ استعمال نہ کریں اور دوسرے فریق کی عدم موجودگی میں مقدمہ کی کارروائی نہ چلائیں۔

جج ایسے مقدمات بھی نہ چلائیں جس میں ان کے کسی عزیز رشتہ دار یا دوست کا مفاد ہو۔ کسی بھی فریق کو ذاتی حیثیت میں کوئی ایسا مشورہ نہ دیں جو کہ دوسرے فریق کے لئے نقصان دہ ہو۔