تعمیراتی کام آئندہ چار برسوں میں مکمل ہوگا اور اس پر ایک سو اسی ارب روپے لاگت آئے گی

ان کا کہنا ہے کہ مظفرآباد، باغ، راولا کوٹ، مانسہرہ اور بٹہ گرام کے اضلاع میں مختلف مقامات پر دس تعمیراتی مراکز قائم کیے جائیں گے جن میں مطلوبہ سامان ذخیرہ کیا جائے گا۔

گزشتہ روز اسلام آباد میں ایوانِ صعنت و تجارت میں ’بلڈنگ مٹیریلز کانفرنس‘ سے خطاب کرتے ہوئے انہوں نے کہا کہ صحت کی سہولیات اور تعلیمی اداروں کے علاوہ چار لاکھ کے قریب منہدم مکانات نئے سرے سے تعمیر کرنا ہوں گے۔

لیفٹیننٹ جنرل محمد زبیر نے تاجروں پر زور دیا کہ وہ تعمیراتی کام میں مطلوبہ سامان کی فراہمی کے لیے آگے آئیں تاکہ بے گھر افراد کے لیے نئے گھروں کی تعمیر جلد ممکن ہو سکے۔