امریکی قانون کے مطابق خفیہ اداروں کے اہلکاروں کا نام ظاہر کرنا قابل تعزیر جرم ہے

ان اطلاعات کے بعد لیوئس لبی نے اپنے عہدے سے استعفٰی دے دیا ہے۔ تاہم صدر بش نے کہا ہے کہ امریکی قانون کے مطابق جب تک عدالت میں الزام ثابت نہ جائے ملزم بے گناہ تصور کیا جاتا ہے۔

امریکی نائب صدر ڈک چینی کے چیف آف اسٹاف لیوس لبی پر فیڈرل جیوری کے سامنے بھی غلط بیانی کا الزام عائد کیا ہے۔

صدر کے مشیر کارل رو بظاہر فوری طور پر ان الزامات کا سامنا کرنے سے بچ گئے ہیں۔

سی آئی اے کی ایجنٹ ولیری پلام کا نام، جن کے شوہر نے عراق پر حملے کی مخالفت کی تھی نام ایک اخبار نویس کو بتا دیا گیا تھا۔

واشنگٹن میں بی بی سی کے نمائندے نے اطلاع دی ہے کہ لیوس لبی پر الزام کا عائد کیا جانا صدر بش کے لیے ایک بڑی سیاسی شرمندگی ہے جو ان کی سیاسی مشکلات میں اضافہ کرسکتی ہے۔

لیوس لبی پر مقدمہ چلائے جانے کے دوران صدر بش کی سیاسی سااکھ مزید خراب ہونے کا اندیشہ ہے۔