عامر احمد خان بی بی سی نیوز، مظفرآباد

مظفرآباد کے باشندے شہر دوبارہ آباد کرنے کے بارے میں فیصلہ نہیں کر پا رہے

بہت سے لوگوں کا کہنا ہے کہ وہ اس جگہ پر رہنا ہی نہیں چاہتے اور وہ مظفرآباد میں دوبارہ گھر بنانا ہی نہیں چاہتے ہیں کیونکہ جب سے زلزلہ آیا ہے تب سے اب تک روزانہ جھٹکے محسوس ہو رہے ہیں۔

بہت سے لوگ اس سلسلے میں متذبذب ہیں کہ وہ کشمیر میں ہی اپنا گھر بنائیں یا پھر پاکستان کے کسی اور شہر میں جا کر رہائش پذیر ہوں۔

ان لوگوں کو حکومت سے بھی شکوہ ہے کہ وہ انہیں اس علاقے کے بارے میں کچھ نہیں بتا رہی ہے کہ آیا کہ یہ زلزلوں کا موجودہ سلسلہ کب تک جاری ہے گا اور یہاں اب گھر بنانا محفوظ بھی ہے یا نہیں۔