مبشر زیدی بی بی سی اردو ڈاٹ کام، اسلام آباد

بل کی منظوری کے خلاف عوام نے مظاہرہ بھی کیا

باخبر ذرائع کے مطابق حکومت کی جانب سے اٹارنی جنرل پاکستان کو یہ ہدایت جمعرات کو سرحد اسمبلی کی جانب سے حسبہ بل کی منظوری کے فوراً بعد کی گئی۔

توقع کی جا رہی ہے کہ آئندہ دو سے تین دن کے دوران عدالتِ عظمیٰ میں یہ ریفرنس دائر کر دیا جائے گا اور اس میں بل کے خلاف آئینی اور قانونی نکات اٹھائے جائیں گے۔

اسلامی نظریاتی کونسل پہلے ہی حسبہ بل پر اپنے تحفظات کا اظہار کر چکی ہے۔

اس بل کی منظوری کے موقع پر سرحد اسمبلی کے باہر مسلم لیگ (ق) اور پیپلز پارٹی شیرپاؤ کے سینکڑوں کارکنوں نے جمعرات کی دوپہر احتجاجی مظاہرہ کیا اور ٹائر جلائے۔ سیاہ بینرر اور جماعتی پرچم اٹھائے ان سیاسی کارکنوں نے حسبہ اور ایم ایم اے کے خلاف نعرہ بازی کی۔