ماضی میں بھی قونصل خانے کے قریب دھماکے ہو چکے ہیں

امریکی شہریوں کو نہ صرف قونصل خانے کی عمارت بلکہ قریب ہی واقع میریٹ ہوٹل سے بھی دور رہنے کا مشورہ دیا گیا ہے۔

امریکی قونصل خانے کے ایک اہلکار کے مطابق انہیں ہدایت ملی ہے کہ امریکی قونصل خانہ حفاظتی پیش قدمی کے طور پر تمام سرگرمیوں کے لیے بند کیا جارہا ہے لہذٰا تمام ملازمین اپنے آپ کو تا حکمِ ثانی رخصت پر تصور کریں۔

قونصل خانے میں متعین اہلکاروں نے اس خبر کی تصدیق تو کی ہے مگر کسی قسم کے تبصرے سے انکار کیا ہے۔

تقریبا دو برس پہلے کراچی میں امریکی قونصل خانے پر حملے کے بعد عبداللہ ہارون روڈ اور امریکی قونصل جنرل کی رہائش گاہ والی فاطمہ جناح روڈ کی پولیس سخت حفاظتی رکاوٹوں کے ساتھ نگرانی کرتی آ رہی ہے۔

کراچی پولیس کے چیف طارق جمیل نے بتایا کے آج صبح یہ دونوں سڑکیں پولیس کی سیکیورٹی ڈرل کی وجہ سے بند کر دی گئی تھیں تاہم اب ٹریفک کے لیے کھول دی گئی ہیں۔

انہوں نے کہا کہ پولیس کو کسی خاص خطرے کا اشارہ نہیں ملا تھا۔