مبشر زیدی بی بی سی اردو ڈاٹ کام، اسلام آباد

قازقستان کے سفارتکار اسلام آباد کے علاقے ایف سکس فور میں مقیم تھے

انہوں نے کہا کہ ان کا ملازم کل شام سات بجے چھٹی لے کر چلا گیا تھا اور آج صبح جب وہ واپس آیا تو گھر کا دروازہ مقفل پا کر اس نے سفارت خانے کو اطلاع دی۔

جب ایمبیسی سٹاف نے گھر کا دروازہ توڑا تو سفارتکار زخمی حالت میں پڑے ہوئے تھے جس کے بعد انہیں فوری طور پر پمز ہسپتال منتقل کر دیا گیا۔

ڈاکٹرز نے آپریشن کر کے ان کے سر میں سے گولی نکال لی ہے مگر ان کی حالت تشویشناک بتائی جا رہی ہے۔