اعجاز مہر بی بی سی اردو ڈاٹ کام، اسلام آباد

لوڈشیڈنگ سے کراچی بھی متاثر ہو گا

کمپنی کے ترجمان کی جانب سے جاری کردہ بیان میں کہا گیا ہے کہ صبح آٹھ بجے سے گیارہ بجے، دوپہر ایک سے شام بجے جبکہ رات دس سے صبح پانچ بجے تک گیس کا دباؤ کم رہے گا یا پھر فراہمی بند ہوجائے گی۔

کمپنی نے اپنے گھریلو اور دیگر صارفین کو مشورہ دیا ہے کہ اعلان کردہ اوقات کار کے دوران چولھے،گیس ہیٹر اور گیزر وغیرہ بند رکھے جائیں۔

ترجمان کے مطابق صوبہ سندھ کے شہر کراچی، حیدرآباد، کوٹڑی، نوابشاہ، سکھر اور لاڑکانہ جبکہ صوبہ بلوچستان کے شہر کوئٹہ، پشین، مستونگ اور زیارت گیس کی فراہمی میں تعطل یا دباؤ کی کمی سے متاثر ہوں گے۔

ادھر صوبہ پنجاب اور سرحد کو گیس فراہم کرنے والی کمپنی سوئی ناردرن نے اپنے صارفین سے کہا ہے کہ وہ گیس کی فراہمی معمول پر آنے تک گیزر اور ہیٹر استعمال نہ کریں۔

کمپنی نے جاری کردہ بیان میں صارفین کو مطلع کیا ہے کہ فراہمی معول پر آنے تک گیس کے دباؤ میں کمی ہوسکتی ہے۔ تاہم اس کمپنی نےفی الحال لوڈ شیڈنگ کا اعلان کیا ہے۔